ن. نازاربايەۆ: ءبىزدىڭ قازاقستانىمىز - ۇلى ىستەردىڭ ۇيىتقىسى بولعان ۇلى دالا ەلى
12:40, 11 - قىركۇيەك 2015
استانا. قازاقپارات - ءبىزدىڭ قازاقستانىمىز ۇلى ىستەردىڭ ۇيىتقىسى بولعان ۇلى دالا ەلى. بۇل تۋرالى بۇگىن ەلورداداعى تاۋەلسىزدىك سارايىندا قازاق حاندىعىنىڭ 550 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازاربايەۆ ايتتى.
«قۇرمەتتى اعايىن، ءبىزدىڭ قاسيەتتى جەرىمىزدى ىقىلىم زامانداردان بەرى ۇلى دالا دەپ، ال بابالارىمىزدى ۇلى دالانىڭ ۇرپاقتارى دەپ اتاعان. ءبىز - سولاردىڭ جالعاسىمىز. ۇلى دالانىڭ مۇراگەرلەرىمىز. وسىناۋ كەڭ بايتاق ۇلى دالانىڭ كوگىندە حالقىمىزدىڭ باق جۇلدىزى بولىپ، جاڭا قازاقستان دۇنيەگە كەلدى. ءبىزدىڭ قازاقستانىمىز ۇلى ىستەردىڭ ۇيىتقىسى بولعان ۇلى دالا ەلى. بۇل - ءبىزدىڭ تاعدىرىمىز. بۇل - ءبىزدىڭ تاڭداۋىمىز. ماڭگىلىك ەلىمىزدە بەيبىتشىلىك پەن بەرەكە بولا بەرسىن! حالقىمىز امان بولسىن!»، - دەپ اياقتادى ءسوزىن ەلباسى ن. نازاربايەۆ.