قازاقستان ءوز دامۋىندا جاھاندىق قاۋىپسىزدىككە زور ۇلەس قوسقان ەلگە اينالدى - ەلباسى
بۇگىن استاناداعى تاۋەلسىزدىك سارايىندا ءوتىپ جاتقان قازاق حاندىعىنىڭ 550 جىلدىعىنا ارنالاعان سالتاناتتى شارا بارىسىندا ءسوز سويلەگەن ق ر پرەزيدەنتى نۇرسۇلتان نازاربايەۆ وسىلاي مالىمدەدى.
ءسوز بارىسىندا مەملەكەت باسشىسى قازاقستاننىڭ تاۋەلسىزدىك جىلدارىنداعى تاريحىنا دا شولۋ جاساعان ەدى.
«ەڭ الدىمەن ەگەمەن العاندا ەنشىمىزگە ۇلان- بايتاق جەر قالدى. ءبىراق، الەمدەگى توعىزىنشى تەرريتوريا سانالاتىن قازاق جەرى ەشقاشان حالىقارالىق قۇجاتپەن راسىمدەلمەي، اشىق- شاشىق جاتقان بولاتىن. ءبىز وسى ءبىر اسا كۇردەلى ءارى شەتىن ماسەلەنى ءساتتى شەشىپ، رەسەي مەن قىتاي باستاعان بارلىق كورشىلەرىمىزبەن اراداعى جالپى ۇزىندىعى 14 مىڭ شاقىرىمنان اساتىن شەكارامىزدى حالىقارالىق قۇجاتتارمەن راسىمدەپ، بولاشاق ۇرپاعىمىزدىڭ الاڭسىز بولۋى ءۇشىن ماڭگىلىككە شەگەندەدىك»، - دەدى ەلباسى.
بۇدان بولەك، ن. نازاربايەۆ ەگەمەن قازاقستاندا جىلدار بويى حالقىمىزعا قاسىرەت اكەلگەن اجال پوليگوندارى مەن جاپپاي قىرىپ- جويۋ قارۋلارىنا تولى بولعانىن، تاۋەلسىز ەل بولعاندا سونىڭ بارىنەن جەرىمىزدى ازات ەتىپ، الەمدىك يادرولىق قارۋسىزدانۋ كوشىن باستاعانىمىزدى اتاپ ءوتتى.
«اقىل مەن پاراساتتىڭ كەز كەلگەن قارۋدان قۋاتتىراق بولاتىنىن العا تارتقان قازاقستان جاھاندىق قاۋىپسىزدىككە زور ۇلەس قوسقان ەلگە اينالدى»، - دەدى ەلباسى.
اۆتور: قانات مامەتقازى ۇلى