تاۋەلسىزدىك قازاق حالقىنىڭ وشكەنىن جاندىرىپ، ولگەنىن ءتىرىلتتى - ن. نازاربايەۆ
11:31, 11 - قىركۇيەك 2015
استانا. قازاقپارات - قازاق حاندىعى ساق، عۇن، ءۇيسىن مەملەكەتتەرىنىڭ، بەرىدە ۇلى تۇرىك قاعاندىعى، دەشتى قىپشاق، التىن وردانىڭ زاڭدى مۇراگەرى، - دەدى قازاقستان پرەزيدەنتى نۇرسۇلتان نازاربايەۆ استانادا تويلانىپ جاتقان قازاق حاندىعىنىڭ 550 -جىلدىعىنا ارنالعان سالتاناتتى جيىندا.
بۇل تۋرالى اقوردانىڭ تۆيتتەردەگى جەكە پاراقشاسىندا جازىلدى.
«ۇرپاعىنا ۇلانعايىر قونىس قالدىرعان باتىر بابالاردىڭ تاۋەلسىزدىكپەن بىرگە ورالعان بيىك رۋحى زور پاتريوتتىق ورلەۋ تۋعىزدى. تاۋەلسىزدىك قازاق حالقىنىڭ وشكەنىن جاندىرىپ، ولگەنىن ءتىرىلتتى. بۇل توي بابالار رۋحىنا تاعزىم ەتىپ، تاعدىردىڭ الۋان قيىندىقتارىنان وتكەن اتا تاريحىنان تاعىلىم الۋ ءۇشىن وتكىزىلىپ وتىر. تاعدىر تالايىمەن ءبولىنىپ كەتكەن، ءتىلى، ءدىلى، ءدىنى، تەگى ءبىر تۇرىك حالىقتارى ХХІ عاسىردا ىنتىماق جاراستىرۋى قاجەت» ، - دەدى ەلباسى ن. نازاربايەۆ.