ءۇندى مۇسىلماندارى قۇرباندىققا سيىر شالۋعا قاتىستى شەكتەۋگە قارسى شىقتى
11:15, 11 - قىركۇيەك 2015
استانا. قازاقپارات - ءۇندىستان مۇسىلماندارى جەرگىلىكتى بيلىكتىڭ قۇربان ايت كەزىندە ءىرى قارا مالىن قۇرباندىققا شالۋعا قاتىستى بەكىتكەن شەكتەۋلەرىن الىپ تاستاۋدى تالاپ ەتۋدە.
ايتا كەتەيىك، ءۇندىستاندا سيىر مالى قاسيەتتى سانالىپ، زەڭگى بابا تۇقىمىنىڭ ەتىن جەۋگە تىيىم سالىنعان، دەپ جازادى muslim.kz.
ءۇندىستان مۇسىلماندارى قويدىڭ قىمبات تۇراتىنىن، وسى سەبەپتى دە قۇربان شالعىسى كەلگەندەردىڭ كەز كەلگەنىنىڭ قوي ساتىپ الۋعا قالتاسى كوتەرمەيتىنىن ايتادى. ولاردىڭ بۇل تالاپتارىن كەيبىر ساياساتكەرلەر دە قولداپ، ۇكىمەتكە ءوز ۇسىنىستارىن ءبىلدىردى. قاسيەتتى قۇربان مەيرامى كەزىندە ارناي ۇشكۇندىك قاساپحانا اشىپ قويۋدى ۇسىنعاندار دا بارشىلىق.