كەيت ميددلتون بىرنەشە ايدان كەيىن ۇلى بريتانيا تاعىنا وتىرۋى مۇمكىن
11:03, 11 - قىركۇيەك 2015
استانا. قازاقپارات - ب ا ق- تا ۇلى بريتانيا پاتشايىمى ەليزاۆەتا Ⅱوزىنىڭ نەمەرەسى ۋيليام مەن ونىڭ زايىبى كەيت ميددلتوننىڭ پايداسىنا تاقتان باس تارتۋى مۇمكىن، دەگەن اقپارات پايدا بولدى،
دەپ حابارلادى شەتەلدىك بۇقارالىق اقپارات قۇرالدارى.
بۇل وقيعا بىرنەشە ايدان كەيىن، ءسىرا، كوكتەمدە بولۋى مۇمكىن.
الداعى جىلى ۇلى بريتانيا پاتشايىمى ەليزاۆەتا Ⅱمەرەيتويىن اتاپ وتپەك، ول 90 جاسقا تولادى. مۇنداي جاستا تاقتا وتىرۋدىڭ قاجەتتىگى جوق، دەپ سانايدى پاتشايىم، سوندىقتان دا ول ب ا ق- تىڭ حابارلاۋىنشا، بيلىكتى نەمەرەسى مەن ونىڭ زايىبىنا تابىس ەتپەك. ءسويتىپ، ەندى جەتى ايدان كەيىن كەيت ميددلتون جاڭا پاتشايىم بولۋى مۇمكىن.
ەسكە سالا كەتەيىك، جاقىندا ەليزاۆەتا Ⅱءوزىنىڭ تاقتا وتىرۋىنىڭ 63 جىلدىعىن اتاپ ءوتتى. كۇنى كەشە عانا ول ءوزىنىڭ اجەسى ۆيكتوريادان دا ۇزاق بيلىكتە بولىپ، رەكورد ورناتتى.