ايدىن ايىمبەتوۆتى تۋعان اعاسى مەن ۇلى كۇتىپ الماق

استانا. قازاقپارات - قازاقستاندىق ايدىن ايىمبەتوۆتى جەردە «قازعارىش» وكىلدەرى مەن تۋعان اعاسى جانە ۇلى قارسى الادى.

ايتا كەتەيىك، عارىشكەرلەر 12 - قىركۇيەك كۇنى تاڭعى 07:00-دە جەزقازعاننىڭ وڭتۇستىك شىعىسىنان 146 شاقىرىم جەرگە قونادى دەپ كۇتىلۋدە.

وسىعان وراي قاراعاندىدا «سويۋز» كەمەسىن كۇتىپ الۋعا قاتىستى شارالار پىسىقتالدى. ال حالىقارالىق ەكيپاج قۇرامىندا رەسەيلىك گەنناديي پادالكا، دانيالىق اندرەاس موگەنسەن جانە قازاقستاندىق ايدىن ايىمبەتوۆ بار. جيىندا عارىشكەرلەردىڭ قونۋىنا بارلىق جاعداي جاسالىنعانى ايتىلدى.

جەزقازعان وڭىرىنە قونعان سوڭ عارىشكەرلەر ەلوردامىز استاناعا جول تارتادى، دەپ جازادى 24.kz.

«پرەزيدەنت ەكيپاجدى ءوزى قارسى الام دەپ تىلەك ءبىلدىردى. سوعان بايلانىستى ازداپ وزگەرىس ەندى. كەمەنىڭ قونعان جەرىنەن استاناعا دەيىن جەتۋگە ەكى ساعات ون مينۋت ۋاقىت كەتەدى»، - دەدى ر ف اۋە ترانسپورتى اگەنتتىگى باسشىسىنىڭ ورىنباسارى الەكساندر ۆەدەرنيكوۆ.