Discovery News حابارلاعانداي، سيەتتل قالاسىندا جاساقتالعان Healy مۇزجارعىشى جەردىڭ سولتۇستىك قيىرىنا 5 - قىركۇيەكتە كەلىپ جەتكەن.
سۋ كولىگى ساياحاتىن ەشقانداي قوسىمشا كەمەنىڭ كومەگىنسىز جۇزەگە اسىرىپتى. ادەتتە مۇنداي جولساپار كەزىندە سۇڭگۋىر قايىقتار قوسا ىلەسىپ جۇرەتىن. كەمە ەكيپاجىندا الەمدىك مۇحيتتى زەرتتەۋمەن اينالىساتىن عالىمدار توبىنان قۇرالعان جيىنى 145 ادام بار.
«اركتيكالىق ايماقتى انىقتاي ءتۇسۋ Healy قۇرامى ءۇشىن اسا ماڭىزدى» دەلىنگەن ا ق ش جاعالاۋ كۇزەتى تاراتقان مالىمدەمەدە. قازىرگى تاڭدا ا ق ش- تىڭ قولىندا 3 مۇزجارعىش كەمە بولسا، سونىڭ ناقتى ەكەۋى جۇمىسقا جارامدى. وتكەن اپتادا عانا پرەزيدەنت باراك وباما جاڭا مۇزجارعىشتىڭ قۇرىلىسى جىلدامداتىلاتىنىن، ويتكەنى بۇل امەريكانىڭ اركتيكاداعى الەۋەتىن ارتتىرۋدا ماڭىزدى ەكەنىن ايتقان.