قازاقستاندىق جانە قىتايلىق انيماتورلار «جىبەك جولى» انيماتسيالىق فيلمىن شىعارادى - فوتو
بۇل تۋرالى ق ر ينۆەستيتسيالار جانە دامۋ مينيسترلىگى اقپاراتتىق قامتاماسىز ەتۋ باسقارماسىنان حابارلادى.
قول جەتكىزىلگەن كەلىسىمدەرگە سايكەس، تاراپتار 2015 -جىلى «جىبەك جولى» اتتى تولىق مەتراجدى 3D انيماتسيالىق كوركەم فيلمىن جاساۋعا كىرىسەدى. پروكاتقا شىعارۋ قازاقستان، ت م د ەلدەرى، سونىمەن قاتار قىتاي مەن وڭتۇستىك- شىعىس ازيا بارلىق ەلدەرىنىڭ اۋماقتارىندا جۇزەگە اسىرىلادى دەپ جوسپارلانۋدا.
انيماتسيانىڭ ءبىر بولىگى قىتايدا، باسقا بولىگى KCG ستۋدياسى بازاسىنىڭ نەگىزىندە الماتى قالاسىنداعى «يننوۆاتسيالىق تەحنولوگيالار پاركى» ا ە ز- ندا جاسالاتىن بولادى. ءوندىرىستىڭ يننوۆاتسيالىق تەحنولوگيالارى، ونىڭ ىشىندە Motion Capture (قوزعالىستى ۇستاپ الۋ) جانە KCG ستۋدياسى پايدالانىلماق.
ءوز كەزەگىندە، Ori Animation قىتاي كومپانياسى جوباعا مۋلتفيلم بيۋدجەتىنىڭ @ مولشەرىندە ينۆەستيتسيا قۇياتىن بولادى.
«KCG» انيماتسيالىق ستۋديا وكىلدەرىنىڭ ايتۋىنشا، قازاق، ورىس تىلدەرىندە دۋبلياج جاساي وتىرىپ، كارتينانى اعىلشىن تىلىندە تۇسىرەدى. حرونومەتراجى 90 مينۋتتىق فيلم ءتۇسىرىلىمى ەكى جىل ىشىندە وتەتىن بولادى.
«Kazakhstan Computer Graphics» ج ش س باس ديرەكتورى ەرنار قۇرماشيەۆتىڭ ايتۋىنشا، «جىبەك جولى» جوباسىن جاساۋ يدەياسى قازىر وتە كوكەيكەستى بولىپ تابىلادى. ۇلى جىبەك جولىن قايتا جاڭعىرتۋ تاقىرىبى قازاقستاندا دا، قىتايدا دا، ە ا ە و- نىڭ باسقا ەلدەرىندە دە ايگىلى.
«وسىعان بايلانىستى «ORI ANIMATION CHINA» قىتاي ستۋدياسى ءبىزدىڭ جوبانى تولىعىمەن قولداۋعا ازىرلىگىن ءبىلدىردى، اتاپ ايتقاندا، قىتاي ينۆەستيتسيا تۇرعىسىنان دا جانە بۇكىل الەم بويىنشا بولاشاق ديستريبۋتسياسى تۇرعىسىنان دا ىقپال جاساماق. ءبىز وسى مۇمكىندىككە قۋانىشتىمىز، وسى جوبا ەلدەرگە ءوزارا ءتيىمدى ىنتىماقتاستىق كەلەشەگىن اشادى دەگەن سەنىمدەمىز. جوبا جۇمىسى 2 جىل ىشىندە اياقتالادى دەپ جوسپارلانىپ وتىر، بۇل الەمدىك انيماتسيالىق يندۋستريانىڭ ولشەمى تۇرعىسىنان ەداۋىر قىسقا مەرزىم.
بۇعان قوسا، ءبىز قازاقستان رەسپۋبليكاسىنىڭ وكىلى بولا تۇرا، الەمدەگى بارىنشا دامىعان انيماتسيا يندۋسترياسىمەن سەرىكتەس بولدىق. شىعارماشىلىق ۇردىسكە ءبىزدىڭ ماماندار دا، قىتاي ماماندارى تەڭ دارەجەدە تارتىلاتىن بولادى، سونىمەن قاتار ۋولت ديسنەي مەن Pixar ستۋديالارىنىڭ جوبالارىندا جۇمىس تاجىريبەلەرى بار ا ق ش- تان كەڭەسشىلەردى تارتۋدى جوسپارلاپ وتىرمىز. مۋلتفيلمدى ءبىرقاتار اۋماقتا پروكاتقا شىعارۋعا جوسپارلاعاندىقتان، ءبىز بۇل وقيعانى ۇلتتىق سيپاتتاما تۇرعىسىنان تاۋەلسىز كەز كەلگەن كورەرمەنگە تۇسىنىكتى جانە ەتەنە جاقىن ەتىپ جاساۋىمىز ءتيىس. سوندىقتان مىقتى حالىقارالىق توپتى جيناۋعا جوسپارلاپ وتىرمىز»، - دەيدى ول.