تۇركى اكادەمياسىنىڭ زەرتتەۋلەرى تۇركى الەمىنىڭ رۋحاني- مادەني مۇراسىن تانىمال ەتۋدە زور مانگە يە - ن. نازاربايەۆ

فوتو: None
استانا. قازاقپارات - ەلباسى نۇرسۇلتان نازاربايەۆ تۇركى اكادەمياسىنىڭ پرەزيدەنتى دارحان قىدىرالىنى قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا د. قىدىرالى مەملەكەت باسشىسىنا اكادەميانىڭ قازىرگى قىزمەتى، جەتكەن جەتىستىكتەرى مەن الداعى كەزەڭگە ارنالعان جوسپارلارى تۋرالى باياندادى.

قازاقستان پرەزيدەنتى تۇركى اكادەمياسىنىڭ تۇركىتىلدەس مەملەكەتتەردىڭ تاريحى مەن مادەنيەتىن جان- جاقتى ءارى تەرەڭ زەرتتەۋ تۇرعىسىنداعى قىزمەتى ماڭىزدى ەكەنىنە نازار اۋداردى. نۇرسۇلتان نازاربايەۆ جۇرگىزىلگەن زەرتتەۋلەر ناتيجەسى تۇركى الەمىنىڭ رۋحاني- مادەني مۇراسىن ساقتاۋ جانە تانىمال ەتۋ ءۇشىن زور مانگە يە ەكەنىن ايتتى.

د. قىدىرالى اكادەميا حالىقارالىق مارتەبە الىپ، يۋنەسكو، يسەسكو سياقتى جەتەكشى حالىقارالىق ۇيىمدارمەن بايلانىس ورناتقانىن مالىمدەدى. اكادەميا جىل بويى حالىقارالىق كونفەرەنسيالار وتكىزىپ، ەكسپەديتسيالار ۇيىمداستىردى، سونداي- اق عىلىمي-زەرتتەۋ ەڭبەكتەرىن جاريالاپ، جالپى تۇركى تاريحى تۋرالى وقۋلىق ازىرلەدى.