ا. جۇماعاليەۆ ەلباسىنا قازاتومونەركاسىپتىڭ دامۋ ستراتەگياسى جونىندە باياندادى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ا. جۇماعاليەۆ مەملەكەت باسشىنا الداعى 10 جىلعا «قازاتومونەركاسىپ» ۇ ا ك» ا ق نەگىزگى ماقساتتارىن ايقىندايتىن ۇلتتىق اتوم كومپانياسىن دامىتۋ ستراتەگياسى بەكىتىلەتىنىن باياندادى.
قازاقستان پرەزيدەنتى ەكونوميكالىق كورسەتكىشتەردى جاقسارتۋ ماقساتىندا كومپانيالاردىڭ بەيىندى ەمەس اكتيۆتەرىن شىعارۋ قاجەتتىلىگىن اتاپ ءوتتى. «تاۋەلسىزدىگىمىزدىڭ باستاپقى كەزەڭىندەگىدەي شەشىمدى تۇردە جەكەشەلەندىرۋ جۇرگىزۋىمىز قاجەت. ۋران ءوندىرىسى تىكەلەي دەن قويۋ قاجەت، سونىمەن قاتار بارلىق قالعان اكتيۆتەردى جەكەمەنشىك قولعا بەرۋ كەرەك»، - دەدى ن. نازاربايەۆ.
«قازاتومونەركاسىپ» ۇ ا ك» ا ق باسقارماسىنىڭ ءتوراعاسى دامۋ ستراتەگياسىنىڭ نەگىزگى باسىمدىقتارىنىڭ ىشىندە - ءوندىرىستى ءارتاراپتاندىرۋ جانە يادرولىق- وتىن سيكلىنىڭ بارلىق بۋىنىن قامتۋ، سونداي- اق كومپانيانىڭ، ونىڭ ىشىندە تابىستى كاسىپورىنداردىڭ تيىمدىلىگىن ارتتىرىپ، ترانسفورماتسيالاۋ بار ەكەنىن اتاپ ءوتتى.
ا. جۇماعاليەۆ ستراتەگيانى ىسكە اسىرۋ «قازاتومونەركاسىپ» ۇ ا ك» ا ق قۇنىن ۇلعايتۋعا، ونىڭ الەمدىك ۋران ءوندىرىسى نارىعىندا كوشباسشىلىق ۇستانىمىن ساقتاۋعا مۇمكىندىك بەرەتىنىنە سەنىمدىلىك ءبىلدىردى.
كەزدەسۋ قورىتىندىسى بويىنشا ن. نازاربايەۆ ءبىرقاتار ناقتى تاپسىرمالار بەردى.