ءبىر ايدا قازاقستانداعى بەنزين باعاسى تۇراقتالادى - ۇ. قارابالين

استانا. قازاقپارات - ءبىر ايدا قازاقستانداعى بەنزين باعاسى تۇراقتالادى. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ەنەرگەتيكا ءبىرىنشى ۆيسە- ءمينيسترى ۇزاقباي قارابالين ءمالىم ەتتى.

«ءبىز بەنزين باعاسى (اي-92/93) 124-تەن 130 تەڭگە ارالىعىندا بولىپ تۇرعانىن كورىپ وتىرمىز. نەگىزىنەن 125 تەڭگە كولەمىندەگى ورتاشا باعا بەگىلەنگەن. ايدىڭ بارىسىندا باعا تۇراقتاپ، قالىپتى نارىقتىق جۇيەگە كەلتىرىلەدى دەگەن سەنىمدەمىز. بۇدان ارى قاراي جانارماي- جاعارماي باعاسى ايتارلىقتاي تۇراقتى بولادى. سونىمەن بىرگە بۇل ماسەلە كوبىنەسە ءبىزدىڭ نەگىزگى جەتكىزۋشىمىز بولىپ تابىلاتىن رەسەي قانداي باعامەن ساتاتىندىعىنا بايلانىستى بولادى. ازىرگە ءبىزدىڭ مۇناي وڭدەۋ زاۋىتتارى تولىق قامتاماسىز ەتۋ دەڭگەيىنە شىعارمايىنشا، رەسەيلىك نارىقتاعى باعاعا تاۋەلدى بولامىز»، - دەدى ءمينيستردىڭ ورىنباسارى.

سونىمەن قاتار ول بەنزين باعاسىنىڭ تومەندەۋى ماسەلەسىنە توقتالىپ ءوتتى. «ەگەر نارىققا ايتارلىقتاي كوپ بەنزين جەتكىزىلسە جانە ونى بىزگە ۇسىنعان باعامەن المايتىن بولساق، ارينە، ساتۋشىلار باعانى تومەندەتۋگە قادامدار جاسايدى. مەنىڭ ويىمشا، قازان- قاراشادا ناقتى نارىقتىق باعالاردى كورگەن كەزدە، ءبىز بۇل جاعدايدى سەزىنەتىن بولامىز»، - دەدى ۇ. قارابالين.

«2017 - جىلعا دەيىنگى باعدارلاما اياسىندا ءبىزدىڭ ءۇش مۇناي وڭدەۋ زاۋىتتارىمىز تولىق مودەرنيزاتسيادان ءوتىپ جاتىر. اتىراۋداعى زاۋىتتاعى جۇمىستار اياقتالۋعا تاياۋ، شىمكەنتتە جاڭعىرتۋ شارالارى تولىق ءجۇرىپ جاتىر. ال پاۆلودار مۇناي وڭدەۋ زاۋىتىنداعى جۇمىستار دا بەكىتىلگەن جوسپارمەن ىسكە اسىرىلۋدا. 2017 - جىلى ءبىز ءوزىمىزدى جانار- جاعارمايمەن تولىقتاي قامتاماسىز ەتەمىز. ارتىلعان كولەمىن سىرتقا شىعارۋعا مۇمكىندىك تۋادى»، - دەدى ب. ساعىنتايەۆ.

اۆتور: رۋسلان عابباسوۆ