قازاقستان، ازەربايجان جانە قىرعىزستان پرەزيدەنتتەرى تۇركىتىلدەس ەلدەر باسشىلارىنىڭ كەڭەسىنە قاتىسادى
«11 - قىركۇيەك كۇنى ءبىز تۇركىتىلدەس ەلدەر باسشىلارىنىڭ كەڭەسىن وتكىزەمىز. وعان قازاقستان، ازەربايجان جانە قىرعىزستان ەلدەرىنىڭ باسشىلارى قاتىسادى. بەلگىلى سەبەپتەرگە بايلانىستى تۇركيا پرەزيدەنتى بۇل كەڭەسكە قاتىسا المايدى، ءبىراق، تۇركيا ەلىنەن جوعارى لاۋازىمدى قوناقتار كەلەدى»، - دەپ حابارلادى سىرتقى ىستەر ءمينيسترى.
سىرتقى ىستەر مينيسترلىگىندە اتاپ وتكەندەي، بۇل كۇندەرى قازاقستاندا قازاق حاندىعىنىڭ 550 جىلدىعىن اۋقىمدى تۇردە مەرەكەلەۋ باستالادى. بىرنەشە كۇننەن كەيىن استانادا مەملەكەت باسشىسىنىڭ جانە كوپتەگەن شەتەلدىك قوناقتاردىڭ قاتىسۋىمەن وسى ەلەۋلى وقيعاعا بايلانىستى مەرەكەلىك سالتاناتتار وتەدى. ونىڭ اۋقىمىندا قازاق حاندىعىمەن بايلانىستى ماسەلەلەردى زەرتتەپ جۇرگەن الەم عالىمدارىنىڭ قاتىسۋىمەن حالىقارالىق عىلىمي كونفەرەنسيا ۇيىمداستىرىلادى. 11 - قىركۇيەك كۇنى كەشكە استاناداعى مۇز ايدىنى سارايىندا تەاترلاندىرىلعان قويىلىم جوسپارلانۋدا. مەرەكە 12 - قىركۇيەكتە ەلوردانىڭ ءبىرقاتار كوشەلەرى مەن الاڭدارىندا جالعاسادى.
اۆتور: قانات مامەتقازى ۇلى