ماڭعىستاۋدا قازاقستانداعى العاشقى دۇرىس تاماقتانۋ مەكتەپتەرى اشىلدى - فوتو
08:39, 09 - قىركۇيەك 2015
اقتاۋ. قازاقپارات - ماڭعىستاۋ وبلىسىنىڭ مۇنايلى اۋدانى مەن جاڭاوزەن قالاسىنىڭ ەمحانالارىندا (وسى ەكى ءوڭىر بالا تۋۋ كورسەتكىشى بويىنشا كوش باستاپ تۇر) ءبىر مەزەتتە ەكى بىردەي دۇرىس تاماقتانۋ مەكتەبى - رەسۋرس ورتالىعى اشىلدى.
بۇل ورتالىقتار بالالارى 5 جاسقا تولماعان اتا- انالارعا ارنالعان. ءدال وسى كەزەڭدە بالانىڭ ميى قالىپتاسۋى ءۇشىن، سونداي- اق اعزانىڭ باسقا دا بولىكتەرى تولىق جەتىلۋى ءۇشىن كوپتەگەن زات الماسۋلار جۇرەدى. ال بالانىڭ بويىندا دارۋمەندەردىڭ تاپشىلىعى ونىڭ دەنساۋلىعىنا، ءتىپتى ومىرىنە ۇلكەن قاۋىپ توندىرەدى. بۇل بالانىڭ دامۋىن تەجەپ، قاتارلاستارىنان كەنجە قالۋىنا سەبەپ بولادى.
جوبا وبلىس اكىمدىگى مەن يۋنيسەف- ءتىڭ بىرلەسكەن جوباسى اياسىندا جۇزەگە اسىپ جاتىر.
ايتا كەتەيىك، بۇل رەسۋرس ورتالىقتارى - قازاقستاندا اشىلعان العاشقى دۇرىس تاماقتانۋ مەكتەپتەرى بولىپ تابىلادى. يۋنيسەف ەلىمىزدىڭ باسقا دا وڭىرلەرىن وسىنداي ورتالىقتار اشۋعا شاقىرادى.