فۋتبول: جاسوسپىرىمدەر ۇلتتىق قۇراماسى ىرىكتەۋ ماتچتارىنا دايىندىقتى باستادى

استانا. قازاقپارات - بۇگىن 19 جاسقا دەيىنگى قازاقستان جاسوسپىرىمدەر قۇراماسى ىرىكتەۋ ماتچتارىنا وراي تالعاردا وقۋ- جاتتىعۋ جيىنىن باستادى.

ۇلتتىق قۇرامانىڭ بازاسىندا اعا جاتتىقتىرۋشى ويرات ءسادۋوۆتىڭ شاكىرتتەرى 9-15 - قىركۇيەك ارالىعىندا جاتتىعادى. بۇل تۋرالى قازاقستان فۋتبول فەدەراتسياسىنىڭ باسپا ءسوز قىزمەتىنەن حابارلاندى.

 «قازاقستاندىق جاسوسپىرىمدەر 12 - قىركۇيەك كۇنى قىرعىزستان جاسوسپىرىمدەر قۇراماسىمەن جولداستىق ماتچ وتكىزەدى. ال 16 - قىركۇيەك كۇنى فۋتبولشىلار حورۆاتياعا جول تارتادى. وندا ەۋروپا چەمپيوناتىنىڭ ىرىكتەۋ ءتۋرنيرىنىڭ ويىندارى وتەدى. قازاقستاندىق فۋتبولشىلاردىڭ قارسىلاستارى - ۆەنگريا، حورۆاتيا جانە چەرنوگوريا قۇرامالارى» دەلىنگەن باسپا ءسوز بايانىندا.

اۆتور: قانات مامەتقازى ۇلى