قۇم بورانى ەكى ادامنىڭ ءومىرىن قيىپ كەتتى
00:06, 09 - قىركۇيەك 2015
استانا. قازاقپارات - سەيسەنبى كۇنى ليۆاندا قۇم بورانى كەزىندە ەكى ايەل قازا تاپتى، دەپ حابارلايدى اراب ب ا ق- تارى.
ليۆان ەلىنىڭ دەنساۋلىق ساقتاۋ مينيسترلىگىنىڭ مالىمەتتەرىنشە، ايەلدەر بەكاا اڭعارىنداعى اۋرۋحانادا كوز جۇمعان. كوپتەگەن ادامدارعا مەديتسينالىق كومەك كورسەتىلدى. «تۇنشىعۋ وقيعالارىنىڭ سانى 750 گە جاقىندادى»، - دەلىنگەن مينيسترلىكتىڭ مالىمدەمەسىندە.