انشىلەردىڭ ۇيىنە ۇرى ءتۇستى
17:37, 08 - قىركۇيەك 2015
استانا. قازاقپارات - ءانشى ەرلان ورىنباساروۆ پەن بايان نۇرمىشەۆانىڭ ۇيىنە ۇرى ءتۇستى دەپ حابارلايدى گاككۋ ارناسى.
ۇرىلار ءان ساپاردا، تويدا بولعاندا ەمەس، ءتاتتى ۇيقىدا جاتقاندا شارۋاسىنا كىرىسىپتى.
اس ءۇيدىڭ تەرەزەسىنەن كىرىپ، ەسىكتەن شىعىپ كەتكەن، - دەپ ءۇيدىڭ يەسى اڭ- تاڭ. ويانا سالىپ، بار بايلىعى ءسابيىنىڭ جانىندا ەكەنىنە قۋانىپتى. ال باعالى زاتتاردى قولدىڭ كىرى. اماندىق بەرسە، ءبارى رەتتەلەدى، دەيدى ولار.
ايتپاقشى، قوس ءانشى ءۇشىن ماڭىزدىسى - بەينەكليپتەرى مەن اندەرى. شاقىرۋسىز كەلگەن قوناقتار سول ماڭىزدى ماتەريالدار ساقتالعان قۇرىلعىلاردى دا الا كەتىپتى. ەندى ءانشى تەلەارنالار مەن راديولاردى جاعالاپ، مۇراعات جيناماقشى.
NUR. KZ