ق ر پرەزيدەنتى اكىمدەردەن حالىققا شىندىقتى ايتۋدى تالاپ ەتتى
«بۇل قيىن كەزەڭ بارشامىز ءۇشىن تىنىش ءوتۋى ءتيىس. مەن ۋادە بەرگەنىمدەي، اشىق ايتامىن. بارلىعىنا قيىن بولاتىنى انىق. مەن ەشقاشان دا الداۋعا تىرىسپايمىن. سىزدەر دە ادامدارمەن تۋرا جانە اشىق سويلەسىڭىزدەر. بارشا قيىندىقتى بىرگە ەڭسەرەمىز. حالقىمىز قامتاماسىز ەتىلۋى ءۇشىن مەملەكەت بارلىق قاجەتتى جۇمىستاردى جاساپ جاتقاندىعىن تۇسىندىرىڭىزدەر»، - دەدى ەلباسى اقمولا وبلىسىنا جۇمىس ساپارى كەزىندە اكىمدەرگە قاراتىپ ايتقان سوزىندە.
وسى ورايدا پرەزيدەنت ەڭ باستىسى حالىقتا ازىق- تۇلىك، كيىم- كەشەك، باسپاناسى مەن ونى جىلىتۋعا ارنالعان وتىنى بار ەكەنىن ايتا كەلە، «بىزدە تىنىش ءومىر ءسۇرىپ، ەڭبەك ەتۋ ءۇشىن بارلىق مۇمكىندىك بار. ال باتىستىق كيىم جانە باسقا دا دۇنيەلەرسىز دە ءومىر سۇرۋگە بولادى. سونىمەن قاتار «لانكۋزەر» سەكىلدى ۇلكەن كولىكتەرسىز دە كۇن كورۋگە مۇمكىندىك بار»، - دەپ توقتالدى مەملەكەت باسشىسى.
مۇنىمەن قوسا ن. نازاربايەۆ قازىرگى كەزەڭدە وتاندىق تاۋار وندىرۋشىلەردىڭ الدىندا ۇلكەن جاۋاپكەرشىلىك تۇرعاندىعىن قاداپ ايتتى. «نەگىزگى تىرەك - ول سىزدەر. وسى ورايدا سىزدەرگە حالىقتى ازىق- تۇلىكپەن قامتاماسىز ەتۋ مىندەتى جۇكتەلگەن. سوندا حالىق تىنىش ءارى توق بولادى»، - دەدى پرەزيدەنت نەگىزگى استىق وسىرەتىن وڭىرلەردىڭ اكىمدەرىمەن كەڭەيتىلگەن كەڭەس بارىسىندا اۋىل شارۋاشىلىعى تاۋارلارىن وندىرۋشىلەرگە قاراتا ايتقان سوزىندە.
اۆتور: رۋسلان عابباسوۆ