تەلەفون ۇرلادى دەگەن كۇدىكپەن پاۆلودار اۋەجايىنىڭ ءۇش قىزمەتكەرى ۇستالدى
15:46, 07 - قىركۇيەك 2015
الماتى. قازاقپارات - كەشە پاۆلودار ستانساسىنىڭ ىشكى ىستەر جەلىلىك ءبولىمىنىڭ پوليتسەيلەرى ۇيالى تەلەفون ۇرلادى دەگەن كۇدىكپەن پاۆلودار قالالىق اۋەجايىنىڭ ءۇش قىزمەتكەرىن ۇستادى.
بۇل تۋرالى ق ر ءى ءى م كولىكتەگى ءى ءى د باسپا ءسوز قىزمەتى حابارلادى.
تەرگەۋ ماتەريالدارىندا بەلگىلى بولعانداي، ءۇش ەر ادام 20 -تامىزدا «الماتى- پاۆلودار» رەيسىمەن كەلگەن جولاۋشىنىڭ باگاجىنان جالپى قۇنى 99 مىڭ تەڭگە بولاتىن 5 تەلەفوندى قولدى ەتكەن.
قازىر ۇيالى تەلەفوندار زاتتىق ايعاق رەتىندە تاركىلەنىپ الىندى.
تەرگەۋ امالدارى جالعاسۋدا. كۇدىكتىلەردىڭ وزگە دە قىلمىستارعا قاتىستىلىعى تەكسەرىلىپ جاتىر.
اۆتور: گۇلميرا عوسمانالي