قازاقستان حالقى اسسامبلەياسى تۋرالى زاڭعا «ماڭگىلىك ەل» يدەياسىنىڭ جۇزەگە اسىرىلۋىن قامتاماسىز ەتۋ ءۇشىن تۇزەتۋلەر ەنگىزىلەدى

استانا. قازاقپارات - بۇگىن ق ر پارلامەنتى ماجىلىسىندە «قازاقستان حالقى اسسامبلەياسى تۋرالى» ق ر زاڭىنا تۇزەتۋلەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلدى.

«قازاقستان حالقى اسسامبلەياسىنىڭ 22- سەسسياسىندا ەل پرەزيدەنتى «ماڭگىلىك ەل» جالپى ۇلتتىق پاتريوتتىق يدەياسى بازاسىندا قازاقستاندىقتاردى ازاماتتىق تەڭدىك، ەڭبەك سۇيگىشتىك، ادىلدىك، عىلىمدىلىق كۋلتى جانە ءبىلىم سىندى قۇندىلىقتار توڭىرەگىنە توپتاستىرۋدى ايقىندادى.

مەملەكەت باسشىسىنىڭ 5 ينستيتۋتتى رەفورماسى اياسىنداعى «100 ناقتى قادام» ۇلت جوسپارىنىڭ «بىردەيلىك جانە بىرلىك» اتتى 4- باعىتى جالپى قازاقستاندىق بىردەيلىكتى، قوعام بىرلىگىن، «ماڭگىلىك ەل» قۇندىلىقتارى جۇيەسىن نىعايتۋدى كوزدەيدى. اتالعان مىندەتتەردى شەشۋ ماقساتىندا بىزدەر قولدانىستاعى زاڭنامانى قوعامدىق- ساياسي تۇراقتىلىق سالاسىن جەتلدىرۋدى ۇسىنامىز»، - دەدى زاڭ جوباسىن تانىستىرعان ق ر مادەنيەت جانە سپورت ۆيسە- ءمينيسترى مارات ءازىلحانوۆ.

 ونىڭ اتاپ وتۋىنشە، ۇسىنىلىپ وتىرعان تۇزەتۋلەر «قازاقستان حالقى اسسامبلەياسى تۋرالى» زاڭنىڭ تاپتارىنا «ماڭگىلىك ەل» جالپى ۇلتتىق يدەياسىمەن بايلانىستى ءبىرقاتار نورمانى قوسۋدى قامتيدى. ماسەلەن، زاڭنىڭ «اسسامبلەياسى ماقساتى» اتتى بابى مىناداي رەداكسيادا جازىلادى:

«اسسامبلەيانىڭ ماقساتى قازاق حالقىنىڭ توپتاستىرۋشى ءرولىن ارقاۋ ەتە وتىرىپ، قازاقستاندىق پاتريوتيزم، قازاقستان حالقىنىڭ ازاماتتىق جانە رۋحاني- مادەني ورتالىعى رەتىندە «ماڭگىلىك ەل» جالپى ۇلتتىق پاتريوتتىق يدەياسىمەن بىرىكتىرىلگەن قازاقستاندىق ازاماتتىق بىردەيلىكتى جانە باسەكگە قابىلەتتى ۇلتتىق الىپتاستىرۋ پروتسەسىند قازاقستان رەسپۋبليكاسىندا ەتنوسارالىق كەلىسىمى قامتاماسىز ەتۋ بولىپ تابىلادى».

 اۆتور: مارلان جيەمباي