NTV تەلەارناسىنىڭ حابارلاۋىنشا، وسىعان بايلانىستى ايماقتا سودىرلاردىڭ كوزىن جويۋعا باعىتتالعان اسكەري ءىس- قيمىل باستالىپ كەتتى. تۇركيا اۋە كۇشتەرىنىڭ جويعىش ۇشاقتارى ك ج پ نىساندارىنا اۋەدەن سوققى جاسادى، دەپ حابارلادى ت ا س س.
CNN Turk تەلەارناسىنىڭ حابارلاۋىنشا، سودىرلارمەن اتىس كەزىندە قارۋلى كۇشتەردىڭ ءبىرشاما ادامى قازا تاۋىپ، ءبىرقاتارى جارالانعان. ال، Reuters اگەنتتىگىنىڭ حابارلاۋىنشا، شابۋىل كەزىندە 15 تۇرىك ساربازى قازا تاپتى. الايدا، مەرت بولعاندار تۋرالى رەسمي اقپارات ازىرگە تاراعان جوق.
تۇركيا پرەزيدەنتى رەدجەپ تايىپ ەردوعان تەلەارنالاردا سويلەگەن سوزىندە حاككياريداعى تۇرىك اسكەرىنە شابۋىلدان كەيىن كونترەررورلىق ارەكەت اياۋسىز بولاتىنىن ءمالىم ەتتى.