برازيليادا ۇندىستەر مەن فەرمەرلەر جەرگە تالاسۋدا
13:26, 06 - قىركۇيەك 2015
استانا. قازاقپارات - برازيليانىڭ باتىسىندا ماتۋ- گروسسۋ شتاتىنىڭ دۋرادينا وكرۋگىندە گۋاراني ۇندىستەرى جەرگىلىكتى فەرمەرلەردىڭ شابۋىلداعانىن ايتىپ، پروكۋراتۋراعا شاعىم ءتۇسىردى. ۇندىستەردىڭ ايتۋىنشا، بەيسەنبى كۇنى تۇستەن كەيىن فەرمەرلەر 30 شاقتى كولىكپەن ولاردىڭ اۋماعىنا باسىپ كىرىپ، اتىس ۇيىمداستىرعان، تۇرعىندار قاشىپ، ورماندى پانالاۋىنا تۋرا كەلگەن. ەشكىم زارداپ شەككەن جوق.
ۇندىستەر فەرمەرلەردى زاڭسىز قارۋلى توپ قۇرعانى ءۇشىن ايىپتاۋدا.
22 -تامىزدا مىڭداعان گۋاراني بەس رانچونى باسىپ العان. فەرمەرلەر ءوز مەنشىكتەرىن كۇشپەن الىپ، كەپىلگە الىنعان ادامداردى بوساتقان. بۇل رەتتە بۇرىنعى كوسەم سەمايو ۆيلحالۆا قازا تاپتى.
ۇندىستەر برازيليا ەلىنىڭ استاناسىندا پرەزيدەنتتىك ساراي الدىندا نارازىلىق اكسياسىن وتكىزدى.
بيلىك دۋاردينا وكرۋگىنە اسكەر بولىمشەسىن جىبەرۋدە.
ۇندىستەر بۇل جەردى وزدەرىنە بابالارى اماناتتاعان دەپ سانايدى. بايىرعى حالىق ىستەرى جونىندەگى ۇلتتىق باسقارما ولاردىڭ تالابىمەن تانىستى، الايدا فەرمەرلەر سوتتا جەڭىپ شىقتى.
ماتۋ- گروسسۋ شتاتى مال شارۋاشىلىعى مەن سويا وسىرەتىن نەگىزگى ءوڭىر بولىپ تابىلادى، بۇل جەردە فەرمەرلەر مەن ۇندىستەر اراسىندا قاقتىعىس ءجيى ورىن الادى.