استانادا تۇركى الەمىنىڭ قازىرگى دامۋ ءۇردىسى تالقىعا ءتۇستى
جيىنعا اكادەميانى قۇرۋشى مەملەكەتتەردىڭ ءبىلىم جانە عىلىم ۆيتسە- مينيسترلەرى جانە ءبىرقاتار ب ا ق وكىلدەرى قاتىستى، دەپ حابارلادى اكادەميانىڭ باسپا ءسوز قىزمەتىنەن.
القالى جيىندى تۇركى كەڭەسىنىڭ باس حاتشىسى راميل حاسانوۆ قۇتتىقتاۋ سوزىمەن اشىپ، حالىقارالىق تۇركى اكادەمياسىنىڭ پرەزيدەنتى دارحان قىدىرالى جۇرگىزىپ وتىردى.
باسقوسۋ بارىسىندا عىلىمي جوبالاردى جۇزەگە اسىرۋدىڭ قاعيدالارى مەن ەرەجەلەرى جانە اكادەميا الداعى جىلى جۇزەگە اسىراتىن عىلىمي- زەرتتەۋ جوبالارىنىڭ باعىتتارى تالقىلاندى. قاتىسۋشىلار تۇركى الەمىنىڭ ينتەگراتسياسى جانە قازىرگى زاماننىڭ دامۋ تەندەنتسيالارى تۋرالى دا ءوزارا پىكىر الماستى.
اتاپ ايتقاندا، ازەربايجان رەسپۋبليكاسى ءبىلىم ءمينيسترىنىڭ ورىنباسارى گۋربانوۆ فيرۋدين يسا وگلى، قىرعىز رەسپۋبليكاسىنىڭ ءبىلىم جانە عىلىم ءمينيسترىنىڭ ورىنباسارى بەكبويەۆ اديلەت زارلىكوۆيچ، تۇركيا رەسپۋبليكاسى ۇلتتىق ءبىلىم مينيسترلىگىنىڭ جاۋاپتى حاتشىسى تەكين يۋسۋف، ق ر ءبىلىم جانە عىلىم مينسترلىگى عىلىم كوميتەتىنىڭ ءتوراعاسى جولداسبايەۆ سانسىزباي ەلەۋسىز ۇلى ءوز ويلارىن ورتاعا سالدى.
سونىمەن قاتار، حالىقارالىق تۇركى اكادەمياسى عىلىمي كەڭەسىنىڭ كەلەسى وتىرىسىنىڭ ءوتۋ كۇنى انىقتالىپ، القالى باسقوسۋدىڭ حاتتاماسى ماقۇلداندى. جيىن سوڭىندا ۇيىم باسشىسى د. قىدىرالى قوناقتارعا اكادەميا باسىپ شىعارعان قۇندى ەڭبەكتەردى سىيعا تارتتى.
ايتا كەتۋ كەرەك، باكۋ قالاسىندا وتكەن 2014 -جىلى 28 -قاراشادا تۇركى كەڭەسى ءبىلىم مينيسترلەرىنىڭ III- وتىرىسىندا تاراپتار تۇركى اكادەمياسىنىڭ عىلىمي كەڭەسىن قۇرۋ تۋرالى شەشىم قابىلداعان بولاتىن. كەڭەستىڭ قۇرامىنا تۇركى كەڭەسى ءبىلىم مينيسترلەرى، تۇركى اكادەمياسىنىڭ پرەزيدەنتى مەن ۆيتسە-پرەزيدەنتتەرى كىرەدى.