قىزىلوردا وبلىسىنداعى شىنى زاۋىتىنىڭ ونىمدەرىنە سۇرانىس جوعارى بولادى - فوتو

قىزىلوردا. قازاقپارات - كەشە  قىزىلوردا وبلىسىنىڭ اكىمى قىرىمبەك كوشەربايەۆ پەن «بايتەرەك» ۇلتتىق باسقارۋشى حولدينگى» ا ق باسقارما ءتوراعاسى قۋاندىق بيشىمبايەۆ شىنى زاۋىتىنىڭ قۇرىلىسىمەن تانىستى.

شىنى زاۋىتتىڭ قۇرىلىسى قىزىلوردا قالاسى، تيتوۆ مولتەك اۋدانىندا ورنالاسقان يندۋستريالدىق ايماقتا جۇرگىزىلىپ جاتىر. زاۋىت كۇنىنە 600 توننا (جىلىنا 197100 توننا) شىنى تاباقشاسىن وندىرەتىن بولادى.

 شىنى زاۋىتىنا قاجەتتى شيكىزاتتى قىزىلوردا وبلىسىندا ورنالاسقان سارىشوقى كەن ورنىنان جەتكىزۋ كوزدەلىپ وتىر. قوسىمشا قوسپالار  قازاقستاننىڭ باسقا وبلىستارىنان، رەسەيدەن، قىرعىزستاننان جانە وزبەكستاننان تاسىمالدانادى.  

جوبانىڭ جالپى قۇنى - 197 ميلليون دوللار. قارجىنىڭ 80 پايىزىن «قازاقستان دامۋ بانكى» بولسە، قالعان 20 پايىزىن «Steward Engineers»  ا ق ش كومپانياسى مەن قازاقستان ينۆەستيتسيا قورى ينۆەستور رەتىندە قارجىلاندىرماق. ال قۇرىلىس جۇمىستارىن «Orda Glass Ltd» ج ش س- گى جۇرگىزەتىن بولادى.

«ەلباسىنىڭ تاپسىرماسىنا سايكەس «بايتەرەك» حولدينگىمەن بىرلەسە وسى شىنى زاۋىت قۇرىلىسىنا كىرىسىپ كەتتىك. وزدەرىڭىز بىلەتىندەي، بۇل - يندۋستريالدى- يننوۆاتسيالىق جوبا، ءونىمنىڭ ەكسپورتتىق الەۋەتى وتە جوعارى. حولدينگ شاقىرۋى بويىنشا قۇرىلىس جۇمىسىنا ا ق ش، فينليانديا، گەرمانيا، يتاليانىڭ ماڭدايالدى كومپانيالار كەلدى. كەلىسىم بويىنشا، قۇرىلىس الاڭىنا ينجەنەرلىك ينفراقۇرىلىمدى جەتكىزۋ ءبىزدىڭ مىندەتىمىز، بۇل جۇمىس وتە قارقىندى ءجۇرىپ جاتىر. 2017 - جىلدىڭ ءبىرىنشى جارتىجىلدىعىندا بۇل زاۋىت ىسكە قوسىلىپ، سىر ءوڭىرىنىڭ الەۋەتىنە زور ۇلەس قوسادى. ءبىز تەك قانا قۇرىلىس ەمەس، سونداي- اق، كادر ماسەلەسىمەن دە اينالىسىپ جاتىرمىز»، - دەدى وبلىس اكىمى ق. كوشەربايەۆ.

ءبىر ايتا كەتەرلىگى، جوبا وپەراتورى زاۋىت سالۋمەن قاتار دايىن ءونىمدى وتكىزۋ نارىقتارىن انىقتاۋدا. مىسالى، بۇگىنگى كۇنى «BI Group»  كومپانياسىمەن، قازاقستاننىڭ قۇرىلىس سالۋشىلار قاۋىمداستىعىمەن، سونداي- اق «دانا» فيرماسىمەن ءونىمدى جەتكىزۋگە شارتتار جاساستى. سىرتقى نارىقتاردا تۇتىنۋشى ىزدەستىرۋدە. ساراپشىلاردىڭ باعاسى بويىنشا ءونىمدى وتكىزۋدىڭ باستى نارىقتارى - بۇل رەسەي فەدەراتسياسىنىڭ ءسىبىر ءوڭىرى، ورتالىق ازيا (وزبەكستان، قىرعىزستان، تۇركىمەنستان جانە تاجىكستان)، اۋعانستان جانە ءۇندىستان بولماق.  

«قۇرىلىس جۇمىستارىنىڭ باستالعانىنا 4 ايدان استى. قازىرگى كەزدە 100 دەن استام جۇمىسشى جانە 20 شاقتى تەحنيكا جۇمىس ىستەۋدە. بۇگىنگى تاڭدا دايىن ونىمگە ارنالعان قويمانىڭ قۇرىلىسى ءجۇرىپ جاتىر، وسى ەكى اپتا ىشىندە قۇرىلىسى باستالادى. قۇرال- جابدىقتاردى جەتكىزۋشىلەردىڭ ءبارى - الەمگە بەلگىلى امەريكا، گەرمانيا، يتاليا سەكىلدى ەلدەردىڭ كومپانيالارى» ، - دەدى ق. بيشىمبايەۆ.