ءىلياس ەسەنبەرلين بۇكىل ءومىرىن تۋعان حالقىنىڭ تاريحى تۋرالى كىتاپتار جازۋعا ارنادى - جازۋشىنىڭ ۇلى

ماسكەۋ. قازاقپارات - بۇگىن ماسكەۋدە، رەسەي مەملەكەتتىك كىتاپحاناسىندا «ءىلياس ەسەنبەرليننىڭ شىعارماشىلىعى - قازاق حالقى تاريحىنىڭ كوركەم شەجىرەسى» حالىقارالىق عىلىمي- پراكتيكالىق كونفەرەنسياسى ءوتتى.  

شارانى ق ر مادەنيەت جانە سپورت مينيسترلىگى، ق ر ۇلتتىق مەملەكەتتىك كىتاپ پالاتاسى جانە قازاقستاننىڭ باسپاگەرلەر، پوليگرافيستەر مەن كىتاپ تاراتۋشىلار قاۋىمداستىعى رەسەي فەدەراتسياسىنداعى ق ر ەلشىلىگىنىڭ قولداۋىمەن ۇيىمداستىردى.

كونفەرەنسيا ماقساتى - ءى. ەسەنبەرليننىڭ «كوشپەندىلەر» تريلوگياسى ارقىلى قازاق حالقىنىڭ تاريحىن ءتۇسىندىرۋ.  

كونفەرەنسياعا قازاقستان، رەسەي جانە بەلارۋستىڭ  بەلگىلى عالىمدارى، مەملەكەتتىك، قوعامدىق قىزمەتكەرلەر مەن باسپاگەرلەر قاتىستى.

قاتىسۋشىلار نازارىنا بەلگىلى قازاق جازۋشىنىڭ 100 جىلدىعىنا ارنالعان كىتاپ جانە تەماتيكالىق ەكسپوزيتسياسى ۇسىنىلدى. ولار جازۋشىنىڭ شىعارمالارىمەن، جەكە زاتتارى جانە فوتو قۇجاتتارىمەن تانىستى.

بەلگىلى قازاق جازۋشىسىنىڭ ۇلى قوزى- كورپەش ەسەنبەرلين اتاپ وتكەندەي، «كوشپەندىلەر» ەڭبەگى ونىڭ شىعارماشىلىعىنىڭ نەگىزى بولعان.

«كوشپەندىلەر» كىتابىن كەڭەس جازۋشىلارى جوعارى باعالاعان. بۇل اكەمنىڭ ۇلى جەتىستىگى بولدى. ول كەزدە كىتاپ كەڭەس وداعىنىڭ باستى باسىلىمدارىندا شىققان. بۇل كەڭەس جازۋشىلارى مەن مادەنيەت قايراتكەرلەرىنىڭ كومەگىمەن جۇزەگە استى»، - دەدى ق. ەسەنبەرلين.

«ول جاقسى اكە بولىپ قانا قويماي، جازۋشى، ەڭبەكسۇيگىش بولدى. ول ءومىرىن تۋعان حالقىنىڭ تاريحى تۋرالى كىتاپتاردى جازۋعا ارنادى»، - دەپ قوستى قوزى- كورپەش ەسەنبەرلين.