قارجىنى كوبەيتۋدىڭ جولدارى
قوسىمشا تابىس كوزىن ىزدەڭىز
ءوز قىزمەتىڭىزدەن باسقا تابىس كوزىن ىزدەپ كورىڭىز. ەكى ءتۇرلى جەردە بىردەي قىزمەت اتقارعاننان گورى جاڭا ماماندىقتى بايقاپ كورگەن ءجون. ءومىر بويى ءبىر قىزمەتتى اتقارۋ مىندەتتى ەمەس. قانشا جاستا بولساڭىز دا، قاي سالاعا جۇرەگىڭىز بۇرسا، ەش قورىقپاي باستاي بەرىڭىز. بۇل سىزگە قوسىمشا تابىس اكەلەدى.
بىلىمگە قارجى ءبولۋ
ءوز ءبىلىمىڭىزدى جەتىلدىرۋدەن اقشا اياماڭىز. بۇل سىزگە بولاشاقتا كوپ تابىس اكەلەتىنىنە كۇماندانباڭىز.
قارجىلاندىرۋ
قارجىلاندىرۋعا بولاتىن جاقسى جوبا تاۋىپ الىڭىز. بۇل ءپاسسيۆتى تابىس كوزىنە جاتادى. كەيدە «كۇيىپ كەتۋ» ءقاۋپى بولادى. ونداي جاعدايعا تاپ بولماس ءۇشىن نارىقتى زەرتتەپ، تانىڭىز.
قاجەت ەمەس نارسە ساتىپ الماڭىز
ەگەر دۇكەنگە ءبىر كىرگەننەن بىرنەشە سومكەمەن شىعاتىن بولساڭىز، قوسىمشا تابىسىڭىزدىڭ ەش پايداسىن كورە المايسىز. ءتىزىم جاساپ، تەك كەرەكتى زاتتار الۋعا داعدىلانىڭىز. قاتتى ۇنەمدەۋدىڭ دە قاجەتى جوق. دەگەنمەن وزىڭىزگە ناقتى نە كەرەك ەكەنىن ويلانىپ، ساپاسىن تەكسەرىپ، بارىپ تاڭداڭىز.
اقشا ەسەبىن جۇرگىزىڭىز
شىعىس پەن كىرىس ەسەبىن جۇرگىزۋگە داپتەر نە بلوكنوت ارناڭىز. وسى ايدا قانشا اقشا تاپتىڭىز؟ قانشا اقشا جۇمسادىڭىز؟ قانشا تەڭگە قانداي زات الۋعا كەتتى؟ ناقتى ەسەپ جۇرگىزەتىن بولساڭىز، اقشانى ارتىق جۇمساۋدىڭ الدىن الاسىز.
اقشا جيناڭىز
تابىسىڭىزدىڭ بەلگىلى ءبىر بولىگىن الىپ قالىڭىز. مۇنى ادەتكە اينالدىرىڭىز. بەلگىلى ءبىر سومانى جيناپ، جۇمساماۋعا تىرىسىڭىز.
massaget.kz