ايدىن ايىمبەتوۆ عارىشتان قازاق ەلىنە سالەم جولدادى - كەسكىن

 استانا. قازاقپارات - ايدىن ايىمبەتوۆتىڭ عارىشتاعى عىلىمي زەرتتەۋلەرى قازاق عىلىمىنىڭ دامۋىنا ۇلەس قوسپاق. قازاق عارىشكەرى عىلىمنىڭ ءتورت سالاسى بويىنشا جۇمىس ىستەيتىن بولادى.

 عارىشكەر فيزيكالىق جەردى عارىشتان زەرتتەۋ مەديتسينالىق جانە بيولوگيالىق عىلىمدار بويىنشا تاجىريبەلەر جۇرگىزەدى. بۇگىن «سويۋز تما-18م» عارىش كەمەسى استانا ۋاقىتىمەن ساعات 13:39 دا حالىقارالىق عارىش ستانساسىنا جەتىپ، كەمە ەكيپاجى وسى ستانسادا جۇمىس ىستەپ جاتقان التى عارىشكەرمەن جۇزدەستى. حالىقارالىق عارىش ستانساسىندا تۇڭعىش رەت 9 عارىشكەردەن جاساقتالعان حالىقارالىق ەكيپاج جۇمىس ىستەيتىن بولادى، - دەدى باسپا ءسوز كونفەرەنتسياسىندا رەسەيلىك عارىشكەرلەر باعدارلاماسىنىڭ جەتەكشىسى ۆلاديمير سولوۆيەۆ.

 سونداي- اق عارىش كەمەسىنىڭ حالىقارالىق عارىش ستانساسىنا جەتۋىنە ەكى تاۋلىك ۋاقىتتىڭ جۇمسالعانىنا بايلانىستى قازاقستاندىق عارىشكەر ايدىن ايىمبەتوۆتىڭ جانە دانيالىق استروناۆت اندرەاس موگەنسەننىڭ عارىشتاعى ساپارى ەكى تاۋلىككە قىسقارىپ سەگىز تاۋلىكتى قۇراماق. الايدا مۇنداي قىسقارتۋ قازاق عارىشكەرىنىڭ عىلىمي جوباسىن تولىق جۇزەگە اسىرۋعا كەدەرگى كەلتىرمەيتىن بولادى، - دەدى قازاق عارىشكەرىنىڭ عىلىمي جوبا جەتەكشىسى جۇمابەك جاناتايەۆ.

 جۇمابەك جانتايەۆ، ح ع س قازاقستاندىق عىلىمي باعدارلاماسىنىڭ جەتەكشىسى: - فيزيكا جاعىنان ەكسپەريمەنتتەر بار. كولونسكي كريستال. ودان كەيىن ءبىزدىڭ مونيتورينگ بار جەر بەتىن قارايتىن كاسپي، ارال جاعىن قاراستىرىپ ۇلكەن جۇمىس ىستەلىنگەلى جاتىر سول جاعىنان. ودان كەيىن مەديكوبيولوگيچەسكي جاعىنان بار جۇمىستارىمىز، جاڭاعى قازاق تاعامدارى كوسمونوۆتتارعا. سول ءبىر ۇلكەن جۇىستار بولعالى جاتىر. سەگىز ەكسپەريمەنت ءار كۇن بويىنشا، ءار ەكسپەريمەنت وتكىزىلە باستايدى. عارىشتاعى ساپارىن ءساتتى جالعاستىرىپ جاتقان ايدىن ايىمبەتوۆ عارىشتان قازاق حالقىنا جانە جەر پلانەتاسىنىڭ تۇرعىندارىنا سالەم جولدادى.

 

www.24.kz