شەرۋشىلەر پاريجدى تراكتورمەن قورشاۋعا الدى
10:33, 05 - قىركۇيەك 2015
استانا. قازاقپارات - فرانسيادا ايماقتارداعى فەرمەرلەر بەيسەنبى كۇنى تراكتورمەن نارازىلىق شاراسىن ۇيىمداستىرۋ ءۇشىن پاريجگە قاراي بەت الدى، دەپ جازادى «بي-بي-سي» اگەنتتىگى.
پاريجگە اپاراتىن جولداردان مىڭعا جۋىق تراكتوردىڭ «ساپ» تۇزەگەن. ءبىرىنشى بولىپ ەل استاناسىنا برەتان فەرمەرلەرى كەلدى.
نارازىلىق شاراسىنا بارلىعى 1700 تراكتورشى قاتىسۋى ءتيىس.
فەرمەرلەر نەگىزىنەن اۋىل شارۋاشىلىق ونىمدەرىنىڭ ارزان باعاعا ساتىلۋىنا قارسى.
شىلدە ايىنىڭ سوڭىندا اۋىل شارۋاشىلىق تاۋارىن وندىرۋشىلەر يسپانيا جانە گەرمانيامەن شەكاراداعى بىرنەشە جولداردى جاۋىپ تاستاپ، بۇل ەلدەردەن ازىق- تۇلىك تيەپ كەلە جاتقان جۇك كولىكتەردىڭ قوزعالىسىنا كەدەرگى كەلتىردى. ولار ارزان يمپورت فرانسيانىڭ اۋىل شارۋاشىلىعىن قۇلدىراتادى دەپ دابىل قاقتى.