جاڭادان «اۋىل» حالىقتىق پاتريوتتىق پارتياسى قۇرىلدى
5 - قىركۇيەك كۇنى استانادا وتكەن قوس ساياسي پارتيانىڭ كەزەكتەن تىس سيەزدەرىنىڭ قورىتىندىسى بويىنشا وسىنداي شەشىم قابىلداندى.
بىرىگۋ تۋرالى باستامانى «پاتريوتتار» كوتەرگەن بولاتىن، «اۋىلدىقتار» يدەياعا قولداۋ ءبىلدىردى.
«اۋىل» پارتياسىنىڭ ءتوراعاسى ءالي بەكتايەۆ جاريا ەتكەن مالىمدەمەگە سايكەس، ەكى پارتيانىڭ بىرىگۋى ولاردىڭ جۇمىسىنا سەرپىن بەرىپ، ءوز جاقتاستارىنىڭ ماسەلەلەرىن ودان ءارى تيىمدىرەك شەشۋگە، باسقارۋدىڭ بارلىق دەڭگەيلەرىندە قاراپايىم قازاقستاندىقتاردىڭ مۇددەسىن قورعاۋعا، ازاماتتاردىڭ مۇڭ- مۇقتاجدارىنا بايلانىستى ءتيىمدى ارەكەت ەتۋگە مۇمكىندىك بەرەدى.
«اۋىل» ءتوراعاسى ءالي بەكتايەۆتىڭ مالىمدەمەسىنە اتاپ وتىلگەندەي، ەكى پارتيانى بىرىكتىرۋ ولاردىڭ جۇمىسىنا سەرپىن بەرىپ، ءوز جاقتاستارىنىڭ پروبلەمالارىن بارىنشا ويداعىداي شەشۋگە، بارلىق باسقارۋ دەڭگەيىندە قاراپايىم قازاقستاندىقتاردىڭ مۇددەلەرىن بىلدىرۋگە، قاراپايىم ازاماتتاردىڭ ارمانىن ءتيىمدى قورعاۋعا مۇمكىندىك بەرەدى.
سيەزد دەلەگاتتارى «اۋىل» ح پ پ ءتوراعاسى ەتىپ ءالي بەكتايەۆتى، ونىڭ ورىنباسارى ەتىپ پاتريوتتار پارتياسىنىڭ بۇرىنعى باسشىسىنىڭ ورىنباسارى تولىمبەك عابدىلاشىموۆتى سايلادى.
سيەزد شەشىمىمەن پرەزيديۋم مەن ساياسي كەڭەستىڭ باسشىلىق بۋىنىنا بەلگىلى، بەدەلدى تۇلعالارمەن قاتار، ەكى پارتيالىق قۇرىلىمنان جاڭا تۇلعالار دا كىردى.
سيەزدە سونداي- اق «اۋىل» ح پ پ جاڭا رەداكسياداعى جارعىسى مەن باعدارلاماسى قابىلداندى.