قىتايلىق «چينحۋا» قاراعاندى وبلىسىندا كومىر وڭدەۋ بويىنشا كاسىپورىن قۇرادى
بۇل تۋرالى قازاقستاندىق جۋرناليستەرگە اتالعان كورپوراتسيانىڭ باسقارما ءتوراعاسى حو چينحۋا حابارلادى.
«بۇگىن قازاقستان پرەزيدەنتى نۇرسۇلتان نازاربايەۆپەن جانە مينيسترلەرمەن كەزدەستىك. كەزدەسۋدە قىسقاشا كومىردى كەشەندى تۇردە وڭدەۋ بويىنشا جوبا تۋرالى باياندادىم. اتالعان جوبانى جۇزەگە اسىرۋ قازاقستاندى يندۋستريالاندىرۋدا ماڭىزدى رول اتقارىپ، ەكونوميكالىق ءوسىمدى ىنتالاندىرادى جانە ق ر- دا جاڭا جۇمىس ورىندارىن اشادى»، - دەدى ول ق ر پرەزيدەنتى نۇرسۇلتان نازاربايەۆپەن «دياويۋيتاي» ق ح ر مەملەكەتتىك رەزيدەنسياسىندا وتكەن كەزدەسۋدەن كەيىن.
ونىڭ سوزىنە قاراعاندا، ينۆەستيتسيالىق قورجىن قۇنى 2,6 ميلليارد دوللارعا باعالاندى. جوبا ەكى ەل حالقى اراسىنداعى دوستىقتىڭ جارقىن بەلگىسى بولماق. ونى 2017-2020 - جىلدارى جۇزەگە اسىرۋ جوسپارلانعان.
«چينحۋا» كورپوراتسياسى ق ح ر- داعى كومىردى كوكستاۋ جانە كومىردەن حيميا زاتتار ءوندىرۋ، بايىتۋ بويىنشا ءىرى جەكە كاسىپورىن.
كاسىپورىن جانار- جاعارماي، ديزەل وتىنىن، ەلەكتر ەنەرگياسى مەن ءتۇرلى قوسىمشا قۇنى جوعارى حيميالىق ونىمدەردى شىعارادى دەپ كۇتىلۋدە.
ەسكە سالا كەتەيىك، ن. نازاربايەۆتىڭ ق ح ر- عا مەملەكەتتىك ساپارى 3 - قىركۇيەككە دەيىن جالعاسادى. الداعى بەيسەنبى كۇنى ق ر پرەزيدەنتى قىتاي حالقىنىڭ جاپون باسقىنشىلارىنا قارسى سوعىستاعى جەڭىسىنىڭ 70 جىلدىعىنا ارنالعان سالتاناتتى پارادقا قاتىسادى.