مەملەكەت باسشىسى قازاق حاندىعى تۋرالى سەريالدىڭ سەناريىنە تۇزەتۋلەر ەنگىزدى
بۇل تۋرالى «قازاقپارات» ءتىلشىسىنىڭ رەسمي ساۋالىنا ق ر مادەنيەت جانە سپورت مينيسترلىگىنەن حابارلاندى.
«قازاق ەلى» تاريحي سەريالىنىڭ ءتۇسىرىلىمى جايىندا ايتاتىن بولساق، قازىرگى كەزدە مەملەكەت باسشىسىنىڭ تۇزەتۋلەرىن ەسكەرە وتىرىپ، فيلمنىڭ اۆتورلارى سەناريدىڭ جاڭا نۇسقاسىن قۇردى. جوبانىڭ قويىلىمى قيىن جانە ونى جۇزەگە اسىرۋ ءۇشىن اۋقىمدى جۇمىستار اتقارىلاتىن بولادى»، - دەلىنگەن مينيسترلىك مالىمەتىندە.
بۇل تۇرعىدا دەكوراتسيالىق، پاۆيلوندىق، ينتەرەرلىك جانە ەكستەرەرلىك نىسانداردى جاساۋ قاراستىرىلعان. ونىڭ ىشىندە سىعاناق، سوزاق قامالدارىن، المالىق قالاسىن، حانداردىڭ سارايلارى مەن وزگە دە ءتۇسىرىلىم نىساندارىن، كيىمدەردى تىگۋ، قاجەتتى بۇيىمدار مەن ات ابزەلدەرىن دايارلاۋ، قارۋ- جاراق، كومپيۋتەرلىك گرافيكانى ازىرلەۋ جانە باسقا دا شارالاردى ىسكە اسىرۋ جۇمىستارى بار.
بۇدان بۇرىن قازاقستان پرەزيدەنتى نۇرسۇلتان نازاربايەۆ «قازاق فيلم» كينوستۋدياسىنا بارىپ، وندا كينوستۋديا قىزمەتىمەن، ونىڭ جاڭا جوبالارىمەن جانە كينووندىرىس ۇدەرىسىمەن تانىستى.
ايتا كەتەيىك، «قازاق ەلى» تۋىندىسىنىڭ رەجيسسەرى - رۇستەم ابدىراشيەۆ.
اۆتور: رۋسلان عابباسوۆ