قازاقستاندا تاريحي جانە مادەني ەسكەرتكىشتەر جاڭعىرتىلادى

استانا. قازاقپارات - «مادەني مۇرانىڭ» جاڭا بەسجىلدىق جوسپارىندا قازاقستاننىڭ تاريحي جانە مادەني ەسكەرتكىشتەرىن قايتا قالپىنا كەلتىرۋ قامتىلعان.  

بۇل تۋرالى «قازاقپارات» ءتىلشىسىنىڭ رەسمي ساۋالىنا  ق ر مادەنيەت جانە سپورت مينيسترلىگىنەن حابارلادى.

اتاپ ايتقاندا، قۇجات 2015-2020 - جىلدارعا ارنالعان جانە قازىرگى كەزدە ءتيىستى مەملەكەتتىك ورگاندارمەن كەلىسۋ ساتىسىندا تۇر.

 «اتالعان جوسپارعا قولدانبالى، عىلىمي ارحەولوگيالىق زەرتتەۋلەر بويىنشا قازاقستان تاريحى مەن مادەنيەتىنە قاتىستى كىتاپتاردى باسىپ شىعارۋعا، سونداي- اق تۋريزمدى، مۇراجاي مەن كىتاپحانا ءىسىن دامىتۋ، تاريح جانە مادەني ەسكەرتكىشتەردى  قايتا قالپىنا كەلتىرۋ، حالىقارالىق الاڭداردا ەلىمىزدىڭ مادەني مۇراسىن ناسيحاتتاۋ سەكىلدى بولىمدەر ەنگىزىلدى»، - دەپ اتاپ وتىلگەن مينيسترلىك مالىمەتىندە.

ەستەرىڭىزگە سالا كەتەيىك، 2004 - جىلى باعدارلاما قابىلدانعالى بەرى 78 تاريح پەن مادەنيەت ەسكەرتكىشتەرى قالپىنا كەلتىرىلدى، ولاردىڭ 28 ءى - 2008 بەن 2011 - جىلدار اراسىندا رەستاۆراتسيالانعان. ەكى ەسكەرتكىش يۋنەسكو الەمدىك مادەني مۇراسىنا كىردى، ولار قوجا احمەت ياسساۋي كەسەنەسى مەن تامعالى ارحەولوگيالىق كەشەنى.

داماسك قالاسىنداعى سۇلتان ءاز- زاحير بەيبارىس كەسەنەسى، كاير قالاسىنداعى سۇلتان بەيبارىس مەشىتى رەستاۆراتسياسى، داماسكىدەگى ءال- فارابي تاريحي- مادەني ورتالىق- كەسەنەسىنىڭ قۇرىلىسى ءساتتى اياقتالدى.

عىلىمعا ءبىزدىڭ اتا- بابالارىمىز تاريحى تۋرالى مالىمەت بەرەتىن مىڭداعان ارتەفاكتىلەرگە 26 عىلىمي- قولدانبالى، 40 ارحەولوگيالىق زەرتتەۋلەر جۇرگىزىلدى.

اۆتور:   رۋسلان عابباسوۆ