رەسەيدىڭ ءبىرىنشى باسشىلارى مەرسەدەستەرىن تاستاپ «كورتەجگە» مىنەتىن بولدى

بۇل تۋرالى رەسەيدىڭ ونەركاسىپ جانە ساۋدا مينيسترلىگىنىڭ باسشىسى  دەنيس مانتۋروۆ ءمالىم ەتتى.

«ال، جوبانى جۇزەگە اسىرۋعا قاجەتتى ناقتى مەرزىمگە كەلەتىن بولساق، ول 2018 - جىلدىڭ 1- توقسانى. الايدا، ءبىرىنشى تاجىريبەلىك ۇلگى 2017 - جىلدىڭ سوڭىنا دەيىن بولۋى كەرەك»، - دەدى مينيستر.

«جوباعا كەلەسى جىلى قالىپتاساتىن رەسەي ۆاليۋتاسىنىڭ باعامدىق ايىرماشىلىعى نەگىزىندە قوسىمشا بيۋدجەت قارجىسى بولىنەتىن بولادى. ءبىز اتالعان جوبانى جۇزەگە اسىرۋ بويىنشا قانداي دا ءبىر پروبلەما بولادى دەپ ويلامايمىز»، - دەپ قوستى مانتۋروۆ.

مەملەكەتتىڭ ءبىرىنشى باسشىلارىن الىپ جۇرەتىن جوبانى جۇزەگە اسىرۋ 8,051 ميلليارد رۋبل بولادى. كولىكتەردى جەتكىزۋ 2016 - جىلدىڭ 31- جەلتوقسانىنان جوسپارلانعان، دەپ جازادى texnomaniya.ru.

جوبا ۇكىمەتتىڭ 2016 - جىلدىڭ 6- اقپانىنداعى وكىمى بويىنشا جۇزەگە اسىرىلۋدا. مۇنداعى ەڭ باستى ماقساتى مەملەكەتتىڭ باسشىلارىن تاسىمالدايتىن كولىك شىعارۋ.  

«قازاقستان» ارناسى