بەس ايۋ ارالداعى مەتەوستانسا قىزمەتكەرلەرىن سىرتقا شىعارماي وتىر
13:28, 28 - تامىز 2015
استانا. قازاقپارات - نەنەتسك اۆتونومدى ولكەسىنىڭ ۆايگاچ ارالىندا بەس اق ايۋ مەتەوستانسانىڭ بەس قىزمەتكەرىن (ارالارىندا ەكى قىز بار) سىرتقا شىعارماي وتىر.
ال ستانسا قىزمەتكەرلەرىندە بىرنەشە فالشفەيەر مەن رەزەڭكە وقتار عانا بار. ءبىردى- ەكىلى اتىپ كورگەنمەن جىرتقىشتار قورقا قويمادى. كەرىسىنشە ستانسانى اينالشىقتاپ كەتپەي قويعان، دەپ حابارلايدى رەسەيى بۇكىل الەمدىك جابايى تابيعات قورى (WWF).
قىزداردىڭ ءبىرى WWF- عا ايۋلار قۇرىلىستاردىڭ ماڭىنا جايعاسقانىن ايتتى. «ولار ءۇيدىڭ ماڭىندا ۇيىقتايدى. ەكەۋى بىرگە، قالعاندارى ءبىر- بىردەن جۇرەدى»، - دەدى مەتەوستانسا قىزمەتكەرى. ماماندار بولسا، كۇنىنە ەكى رەت دالاعا شىعىپ تەڭىزدە ولشەۋ جۇرگىزۋى ءتيىس. الايدا قازىرگى جاعدايدا ول تىم قاۋىپتى بولىپ وتىر.