مەسسي ەۋروپانىڭ ۇزدىك فۋتبولشىسى اتاندى

 استانا. قازاقپارات - ليونەل مەسسي 2014-2015 ماۋسىمىنداعى ۋ ە ف ا- نىڭ ۇزدىك ويىنشىسى اتاندى، دەپ حابارلادى «بي-بي-سي» اگەنتتىگى.

مەسسيدى 54 ۇلتتىق قاۋىمداستىقتان قۇرالعان ۋ ە ف ا- نىڭ جۋرناليستەردەن تۇراتىن قازىلار القاسى تاڭدادى. بۇل اتاققا لۋيس سۋارەس پەن كريشتيانۋ رونالدۋ دا لايىقتى ۇمىتكەر بولعان.

بۇعان دەيىن مەسسي 2011 - جىلى ۇزدىك ويىنشى اتانعان، ال بىلتىر بۇل اتاقتى رونالدۋ جەڭىپ العان بولاتىن.