بۇل تۋرالى رەسەي ءى ءى م پريمورسكي ولكەسىنىڭ باسقارماسى حابارلادى.
تەرگەۋ انىقتاعانداي، قىزارا ءبورتىپ العان 18 جاستاعى ەكى جەرگىلىكتى تۇرعىن زەينەتكەردىڭ جاعاسىنان الىپ، اقشا تالاپ ەتكەن. ەر ادام بۇدان باس تارتقاندا ولاردىڭ ءبىرى تاپانشاسىن سۋىرىپ الىپ، قورقىتقان.
زەينەتكەر شالت قيمىلداپ، ءوزىن- ءوزى قورعاۋ تاسىلدەرىن قولدانىپ ونىڭ قولىنان قارۋدى جۇلىپ الدى. قاراقشىلار بولسا، تۇرا قاشقان. ءبىراق، ەر ادام ولاردى ارتتارىنان قۋىپ جەتىپ، بىرەۋىن ۇستاپ ۇلگەردى. ەكىنشى كۇدىكتىنى پوليتسەيلەر ۇستادى.
جابىرلەنۋشى زەينەتكەرلىككە شىققانعا دەيىن ىشكى ىستەر ورگاندارىندا قىزمەت ەتكەن بولىپ شىقتى.