ن. نازاربايەۆ پەن ناۆاز شاريف بىرلەسكەن مالىمدەمەگە قول قويدى

 استانا. قازاقپارات - بۇگىن اقوردادا ق ر پرەزيدەنتى نۇرسۇلتان نازاربايەۆ پەن پاكىستان پرەمەر- ءمينيسترى ميان مۋحامماد ناۆاز شاريف كەڭەيتىلگەن قۇرامداعى كەلىسسوزدەردىڭ قورىتىندىسىندا بىرلەسكەن مالىمدەمەگە قول قويدى.

 سونىمەن قاتار ق ر قورعانىس ءمينيسترىنىڭ ورىنباسارى تالعات مۇحتاروۆ پەن پاكىستاننىڭ قازاقستانداعى ەلشىسى ابدۋل ساليح حان ەكى ەل قورعانىس مينيسترلىكتەرى اراسىنداعى اسكەري قىزمەتشىلەردى وقىتۋ تۋرالى كەلىسىمدى، ق ر سىرتقى ساۋدا پالاتاسىنىڭ باسقارما ءتوراعاسى ەرمەك ءماجيتوۆ پەن پاكىستان ساۋدا جانە ونەركاسىپتىك پالاتالار فەدەراتسياسىنىڭ پرەزيدەنتى مۇحامماد يديريس بىرلەسكەن ىسكەرلىك كەڭەستى قۇرۋ تۋرالى ءوزارا تۇسىنىستىك مەموراندۋمىن راسىمدەدى.

اۆتور: مارلان جيەمباي