سەمەيدە ءتورت بولمەلى كيىز ءۇي قۇراستىرىلدى
ونى قۇراستىرۋعا 1 اي ۋاقىت جۇمسالعان. 200 ادامعا لايىقتالعان. ءۇش بولمەسى داستارحان جايىپ، قوناق كۇتۋگە ارنالسا، تورتىنشىسىنە قازاقتىڭ قولونەر بۇيىمدارى قويىلعان.
«ۋىعى مەن تەرەزەسى تەمىردەن جاسالعان اقبوز ءۇيدى 20 مينۋتتا بۇزىپ، قايتا جيناۋعا بولادى. بولاشاقتا جاڭاشا ۇلگىدەگى كيىز ءۇي قۇراستىرۋ جوسپاردا بار»، دەيدى شەبەر جارقىن تۇرسىنعالي ۇلى.
ال، الەمدەگى ەڭ ۇلكەن كيىز ءۇي قىتايدىڭ شىنجاڭ ءوڭىرىنىڭ موري قازاق اۆتونوميالىق اۋدانىندا تىگىلدى. 2 مىڭ ادامعا ارنالعان ءۇيدىڭ جالپى كولەمى 1175 شارشى مەتردى قۇرايدى. بيىكتىگى - 18,5 مەتر.
ونى 32 ادام ءۇش ايدىڭ ىشىندە قۇراستىرىپ شىققان. جۇمسالعان قاراجات شىعىنى شامامەن 160 ميلليون تەڭگە. ويۋلانعان سىرماقتى تىگۋگە 1,5-اي ۋاقىت جۇمسالعان. مۇندا كەلگەن شەتەلدىك قوناقتار مەن تۋريستەر الدىمەن وسىندا تۇسەدى ەكەن.
«قازاقستان» تەلەارناسى