قاراعاندىدا «ەلباسى جولى» كينو ەپوپەياسىنىڭ جالعاسى تۇسىرىلۋدە - فوتو رەپورتاج

 قاراعاندى. قازاقپارات - قاراعاندىدا «ەلباسى جولى» كينو ەپوپەياسىنىڭ جالعاسى - «جۇلدىزدار وسىلاي جانعان ەدى» كوركەم فيلمىنىڭ ءتۇسىرىلىمى ءجۇرىپ جاتىر.

كارتيناعا 1984-1991 - جىلدار ارالىعىنداعى كەزەڭ ارقاۋ بولعان.

 كەنشىلەردىڭ مادەنيەت سارايىنىڭ الدى ءتۇسىرىلىم الاڭىنا اينالدى. مۇندا مىڭنان استام ادام، رەسەيلىك جانە قازاقستاندىق اكتەرلەر جينالدى. سسەناري بويىنشا 1989 - جىلعى شاحتەرلەردىڭ ەرەۋىلى تۇسىرىلمەك.

 تۇسىرىلىمگە «برەجنيەۆ»، «بەلايا گۆارديا» فيلمدەرىمەن تانىمال بولعان رەسەيلىك رەجيسسەر سەرگەي سنەجكين جەتەكشىلىك ەتەدى.

باستى ءرولدى 36 جاستاعى قازاقستاندىق اكتەر بەرىك ايتجانوۆ سومدايدى..

 كارتينا تاۋەلسىزدىك كۇنى مەرەكەسىنە وراي پروكاتقا شىعۋى ءتيىس.

ايتا كەتەيىك، ەلباسىنىڭ ءومىرى جايىنداعى كينو ەپوپەيانىڭ ءتورتىنشى ءبولىمى وتكەن جىلدىڭ جەلتوقسانىندا كورسەتىلدى. وعان دەيىنگىلەرى «بالالىق شاعىمنىڭ اسپانى»، «وتتى وزەن» جانە «تەمىرتاۋ» دەپ اتالعان بولاتىن. ەلباسىنىڭ ءرولىن قازاقستاندىق اكتەر ءارى ءانشى نۇرلان ءالىمجان سومداعان ەدى.