ورال قالاسىنداعى ىرگەلى كاسىپورىن شاعىن كەمەلەر ءوندىرىسىن كەڭەيتپەك

ورال. قازاقپارات - ورال قالاسىنداعى ىرگەلى كاسىپورىنداردىڭ ءبىرى «گيدرو پريبور» عىلىمي- زەرتتەۋ ينستيتۋتى» ا ق ەكىنشى بەسجىلدىق اياسىندا شاعىن كەمەلەر ءوندىرىسىن كەڭەيتۋ جانە جاڭارتۋ جوباسىن جۇزەگە اسىرماق.

باتىس قازاقستان وبىلىسى كاسىپكەرلىك جانە يندۋستريالدى- يننوۆاتسيالىق دامۋ باعدارلاماسىنان تۇسكەن مالىمەتكە قاراعاندا، 300 ميلليون تەڭگەگە باعالانعان بۇل جوبا جۇزەگە اسقان كەزدە 55 جۇمىس ورنى اشىلادى.

نەگىزىنەن ارنايى ماقساتتاعى تەڭىزدەگى سۋ استى تەحنيكالارىن قۇرۋ بويىنشا عىلىمي- زەرتتەۋ جانە تاجىريبە- كونسترۋكتورلىق جۇمىستارمەن اينالىساتىن اتالمىش كاسىپورىن «گيدروپريبور» لەنينگراد ورتالىق عىلىمي- زەرتتەۋ ينستيتۋتى ورال فيليالى بازاسىندا 1991 - جىلى وتاۋ تىككەن. ينستيتۋت قازىرگى تاڭدا كەمە جاساۋ، روبوت تەحنيكاسى، قۋات كوزدەرى، مۇنايگاز سالاسى جابدىقتارى بويىنشا جوبالاۋ، ءوندىرۋ جانە ينجينيرينگتىك قىزمەت كورسەتەتىن عىلىمي ورتالىق بولىپ تابىلادى. بىلىكتى كادرلار قىزمەت ەتەتىن كاسىپورىندا بىرەگەي وندىرىستىك جانە عىلىمي- زەرتحانالىق بازا بار. مىسالى، ايروديناميكالىق تۇربا، گيدروديناميكالىق باسسەين، اۆتوكلاۆالار، كليموتەرموباروكامەرالار، ۆيبرو جانە مەحانيكالىق سىناقتار ستەندىلەرىنەن بولەك، شالقار كولىندە سىناق بازاسى ورنالاسقان.

ينستيتۋت باتىپ كەتكەن نىسانداردى ىزدەستىرۋ باعىتىندا قولدانىلاتىن وزدىگىنەن جۇرەتىن سۋ استى اپپاراتتارىن جاساۋ ءۇشىن وننان استام جوبانى جاساقتادى. جوبالاۋمەن قاتار 1999 - جىلدان بەرى ءوز ءوندىرىس الاڭىندا تەڭىز جانە وزەن كاتەرلەرىن قۇراستىرۋمەن اينالىسىپ كەلەدى. وسى مەرزىمدە 30 دان استام كاتەر پايدالانۋعا بەرىلدى. حالىقارالىق ساپا مەنەدجمەنتى جۇيەسى ەنگىزىلگەن كاسىپورىن سونداي- اق موبيلدى روبوت تەحنيكالىق كەشەندەر، جەل مەن كۇننەن قۋات الاتىن قوندىرعىلاردى شىعارۋعا ماماندانعان.

وعان قوسا «گيدروپريبور» ع ز ي» ا ق بولاشاقتا فرانسيالىق «ECA ROBOTICS» كومپانياسىمەن بىرلەسىپ سۋ استى روبوت تەحنيكاسىنىڭ بازالىق ۇلگىسىن جاساپ شىعارۋدى ويلاستىرۋدا. وسى باعىتتا بيىلعى اقپان ايىندا بىرلەسكەن حاتتاماعا قويىلدى. «ECA ROBOTICS» كومپانياسى روبوت تەحنيكاسىنىڭ باسقا باعىتتارى بويىنشا دا ىنتىماقتاستىق اياسىن كەڭەيتە تۇسپەكشى.