كۇزدەن باستاپ مەتالل مەن قۇرامىندا التىنى بار شيكىزاتتى سىرتقا شىعارۋعا تىيىم سالىنادى

استانا. قازاقپارات - كۇزدەن باستاپ قارا مەتالدار مەن قۇرامىندا التىنى بار شيكىزاتتى شىعارۋعا تىيىم سالۋ تۋرالى شەشىم كۇشىنە ەنبەك.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.

«سونىمەن بىرگە مۇناي سەكتورىنداعى سەكىلدى 1 -قازانعا دەيىن تومەن رەنتابەلدى تاۋ- كەن سەكتورىنىڭ كاسىپورىندارى ءۇشىن پايدالى قازبالاردى ءوندىرۋ سالىعىن تومەندەتۋ ۇسىنىلادى. قارا مەتالدار مەن قۇرامىندا التىنى بار شيكىزاتتى شىعارۋعا تىيىم سالۋ تۋرالى 1 -قىركۇيەكتەن باستاپ كۇشىنە ەنەتىن شەشىم دايارلاندى»، - دەدى ب. ساعىنتايەۆ.

ونىڭ سوزىنە قاراعاندا، وسى ارقىلى ىشكى تۇتىنۋ كولەمى شيكىزاتپەن تولىق قامتاماسىز ەتىلەدى. «التىن بويىنشا 30 تونناعا دەيىن اففيناجدى التىندى شىعارۋ ءونىمىن كوتەرە الامىز»، - دەدى ب. ساعىنتايەۆ.

بۇدان بۇرىن حابارلانعانداي، ق ر پرەمەر-ءمينيسترىنىڭ ءبىرىنشى ورىنباسارى مۇناي-گاز سەكتورى بويىنشا مۇناي ءوندىرۋدى ەلەۋلى كولەمدە تومەندەتۋگە جول بەرىلمەيتىندىگىن جەتكىزدى.

«ءبىز «Kazenergy» قاۋىمداستىعىمەن بىرلەسە مۇناي- گاز ءوندىرۋشى 57 كومپانياعا تىڭعىلىقتى تالداۋ جاساپ، ونىڭ قورىندىسى بويىنشا تومەن رەنتابەلدى 39 ى ىرىكتەلىندى. ەندى وسى 39 ىنا قاتىستى پايدالى قازبالاردى ءوندىرۋ سالىعىن تومەندەتۋ جوسپارلانىپ وتىر»، - دەدى ول.

اۆتور: رۋسلان عابباسوۆ