ن. نازاربايەۆ قازاقستان ەكونوميكاسىنا تەرىس ىقپال ەتۋى مۇمكىن فاكتورلاردى اتادى
شارا بارىسىندا الەمدىك نارىقتاعى احۋالدىڭ قيىنداۋى جاعدايىندا قازاقستاندىق ەكونوميكانىڭ ءوسىمىن قامتاماسىز ەتۋ باعىتتارى تالقىعا ءتۇستى.
مەملەكەت باسشىسى ۇزاقمەرزىمدى بولاشاقتا قازاقستاندىق ەكونوميكاعا ىقپال ەتۋى مۇمكىن ءبىرقاتار تەرىس فاكتورلاردى اتاپ كورسەتتى.
«بىرىنشىدەن، ساراپشىلاردىڭ پىكىرىنشە، مۇناي مەن مەتالدىڭ تومەن باعاسى 5 جىل بويى ساقتالۋى مۇمكىن. ەكىنشىدەن، دامۋشى ەلدەردىڭ ينۆەستيتسيالار مەن كاپيتالعا قولجەتىمدىلىگىنىڭ ايتارلىقتاي شەكتەلۋى ورىن الادى. ۇشىنشىدەن، ءبىزدىڭ نەگىزگى سەرىكتەستەرىمىزدىڭ، ەڭ الدىمەن رەسەي مەن قىتاي تاراپىنان ءالسىز سۇرانىس سالدارىنان قازاقستاندىق ءونىمدى وتكىزۋ نارىعى تارىلادى»، - دەدى ەلباسى.
ق ر پرەزيدەنتى ورىن الىپ وتىرعان جاعدايدا مەملەكەتتەن تەڭگەرىمدى بيۋدجەتتى جانە مونەتارلىق ساياساتتى قامتاماسىز ەتۋ، سونىمەن بىرگە ەكونوميكالىق ءوسىمدى قولداۋ ماقساتىندا جاھاندىق سىن- قاتەرلەرگە قارسى تۇرۋ بويىنشا ءتيىمدى الدىن الۋ شارالارىن جۇرگىزۋدى تالاپ ەتەتىندىگىن باسا ايتتى.
اۆتور: مارلان جيەمباي