تۇركيالىق جۇيرىك سپورتتىق ەرەجەنى بۇزعانى ءۇشىن وليمپيادالىق التىنىنان ايىرىلدى

استانا. قازاقپارات - لوزاننادا سپورتتىق تورەلىك سوتى (CAS) تۇرىكتىڭ جۇيرىگى اسلى چاكىن الپتەكيننىڭ 2010 -جىلعى 29 -شىلدەدە كورسەتكەن ناتيجەسىنىڭ كۇشىن جوياتىن شەشىم قابىلدادى، دەپ حابارلادى CAS باسپا ءسوز قىزمەتى.

وعان سەبەپ - تىيىم سالىنعان پرەپاراتتى قولدانۋ.

سپورتشى لوندونداعى وليمپيادا-2012 دەگى 1500 مەتر قاشىقتىقتا جەڭىپ العان التىن مەدالىن قوسقاندا، ءبىرقاتار ناگرادالارىنان ايىرىلدى. بۇدان باسقا، جۇيرىك 8 جىلعا جارىسقا قاتىسۋ قۇقىعىنان ايىرىلدى، جازا مەرزىمى 2021 -جىلعى 9 -قاڭتاردا اياقتالادى.