استانادا وتەتىن تەڭگە ىلۋدەن ازيا چەمپيوناتىنا قاتىساتىن ەلدەر انىقتالدى
دەپ حابارلايدى ۇلتتىق سپورت تۇرلەرى قاۋىمداستىعىنىڭ باسپا ءسوز قىزمەتىنەن.
قازىرگى تاڭدا رەسەي فەدەراتسياسىنىڭ التاي رەسپۋبليكاسىنا قاراستى قوساعاش اۋدانىنان ەربول ەدىلبايەۆ باستاعان تەڭگە ىلۋشىلەر، سونداي- اق تۇرال اليەۆتىڭ جەتەكشىلىگىمەن ازەربايجان ەلىنىڭ سپورتشىلارى، بەنسزە يشتۆان باستاعان ۆەنگريا سپورتشىلارى، ورازبەك تويعانبايەۆ باستاعان قىرعىزستاندىق باۋىرلار، احات قۋانىش ۇلى باستاعان قىتاي ەلىنىڭ سايىپقىراندارى ءدۇبىرلى دوداعا كەلەدى.
سونىمەن قاتار ماحماد حاكيموۆتىڭ جەتەكشىلىگىندەگى تاجىكستاندىق جىگىتتەر، راحيمجان حودجيماتوۆ باستاعان وزبەك ازاماتتارى، تۇركيا ەلىنەن الپارسلان جەيلان جانە موڭعوليانىڭ باي- ولكە ايماعىنان اۋەسحان روم باسقارعان قانداس باۋىرلارىمىز كەلەدى دەپ كۇتىلۋدە.
ال قازاق ەلىنىڭ نامىسىن تەڭگە ىلۋدەن سپورت شەبەرى اقتوبەلىك ءالىحان ماشيمبايەۆ قورعاۋى مۇمكىن.
ايتا كەتەيىك، سايىسقا ءبىر ەلدەن ءبىر عانا سپورتشى قاتىستىرىلادى.