ولاردىڭ ءبىرى اقپارات اگەنتتىگىندە 33 جىل جۇمىس جاساسا، ەكىنشىسى عۇمىرىنىڭ 25 جىلىن ارناعان.
«ءبىزدىڭ قازاقپارات - كوپجىلدىق تاريحى تەرەڭ، وزىندىك داستۇرلەرى قالىپتاسقان اقپارات كوزى. بۇل - قازاقستاننىڭ وتكەنى مەن بۇگىن جالعاستىرىپ تۇرعان جاڭالىقتار جارشىسى. اگەنتتىك جۋرناليستەرى - ءوز ءىسىنىڭ ماماندارى. ولار ەلدە بولسا دا، سىرتتا بولسا دا ەلدە بولىپ جاتقان ماڭىزدى تاريحي ساياسي قۇبىلىستاردى جەدەل ءارى وبەكتيۆتى جەتكىزىپ وتىرادى. ەل باسىنان ۇجىمداستىرۋ، يندۋستريالاندىرۋ، ۇ و س، تىڭ يگەرۋ، عارىشتى باعىندىرۋ، يادرولىق پولگوننىڭ جابىلۋى، تاۋەلسىزدىك الۋ، ەگەمەندى قازاقستاننىڭ قالىپتاسۋى، مەملەكەت باسشىسىنىڭ بەيبىت باستامالارى سياقتى ماڭىزدى وقيعالار ءوتتى. وسىنىڭ بارلىعى قازاقپاراتتا جارىق كورىپ كەلەدى»، - دەدى ت. توليكينا.
قازتاگ - قازاقپارات تەك كاسىبي تۇرعىدان عانا ەمەس، ومىرلىك تۇرعىدان دا جۋرناليستەرگە ۇلكەن مەكتەپ بولدى.
تامارا توليكينا ورىس رەداكسياسىنىڭ باس شىعارۋشى رەداكتورى قىزمەتىن اتقارعان. مىڭداعان وقىرمانعا جەتەتىن حابارلامالار سول كىسىنىڭ قىراعى كوزىنەن وتەتىن.
ۆ. ەسيمبەكوۆا كورجەلىنىڭ مەڭگەرۋشىسى قىزمەتىن اتقارعان. جالپى رەداكسيانىڭ جۇمىسىن ۇيىمداستىرۋ سول كىسىنىڭ مىندەتى بولاتىن.
«قازاقپاراتتى» كۇن قۇرعاتپاي وقىپ تۇراتىن قوس ارداگەر ءىزىن باسقان جۋرناليستەرگە تەك شىعارماشىلىق تابىس، قاجىرلى ەڭبەك تىلەدى.
اۆتور: گۇلميرا عوسمانالي