ادام اقىلى جەڭسە اللاھ تاعالانى، ءناپسىسى جەڭسە لاعنەتى شايتاندى تىڭدايدى.
ءبىزدىڭ ادەبيەتىمىزدە ءبىر- اق كۇرەس بار. ول - شىن مەن جالعاننىڭ اراسىنداعى رۋحاني كۇرەس. ونى دا بىرەۋ سەزدى، بىرەۋلەر ءالى سەزگەن جوق...
ءىشتىڭ تارلىعى - حاق تاعالا ءجايلى حاقيقاتتىڭ جۇرەككە تولىق ورنىقپاۋىنان بولادى.
كىمدى قىزعانساڭ ول ءجايلى كوپ جاقسى تىلەكتە بول. انە سوندا ول ءجايلى قىزعانىشىڭ ماحابباتقا اينالادى. كوڭىلىڭ كەڭىپ، جۇرەگىڭ تىنىشتىق تابادى، ينشاللاھ!
ەلدىڭ ناعىز ەر تۇلعاسى - يمامدار.
ارۋىن قورعاعان ەلدىڭ ەرتەڭى جارقىن.
ءناپسىسىن قورعاعان ەر - تۇلعا.
ءناپسىقور ەركەك ەل تازالىعىنا تۇسكەن قۇرت.
ادامنىڭ جۇرەگى يمان نۇرىمەن تولىق نۇرلانسا دۇنيەنىڭ ءوزى ادام ءۇشىن اقىل جەتپەستەي كەڭ جانە بەرەكەتتى. ال ادام يمان نۇرىمەن نۇرلانباسا دۇنيە ونىڭ وزىندەي، ءتىپتى اشۋىنىڭ قىسىندىسىنداي تار.
دۇنيە دەگەن ءبىر وت. ادامدى قىزدىرادى، كۇيدىرەدى. ودان الىس جۇرگەن عانا ونىڭ وتىنا كۇيمەيدى.
كوڭىل الدا، تۇسىنىك ارتتا بولادى. كىم تۇسىنىكتى كوڭىلدىڭ الدىنا الىپ شىعا السا، دانىشپان بولۋدان ءۇمىتتى ادام سول.
اقىل اقىلسىزدان سۇرالسا، باسشى حاقسىزدان قۇرالسا، ۇستاز شاكىرتتەن سىنالسا ول قوعام ادامدارىنىڭ رۋحاني پاستىگىن كورسەتەدى.
باستىعىڭنىڭ ءىس باسقارۋى پاتشاڭنىڭ ءىس باسقارۋىنىڭ ۇقساسىراعى. ويتكەنى، پاتشا ساعان سونىڭ باستىق بولۋىن قالادى.
ناداننىڭ كوڭىلىندە ادام جوق. سوندىقتان ونىڭ كوزى ادامدى كورمەۋى زاڭدىلىق.
حاق تاعالاڭدى تانىعانعا دەيىن جازعانىڭنىڭ كۇللىسى تەك جازۋعا جاتتىعۋ عانا. ول ەشقاشان ونەر ەمەس.
باسشى اقىلدى بولسا اقىلدى قوسشىسىنىڭ بيىگىن ءبىلىپ، ونىڭ وزىعىنان وزبايدى. ال ول اقىلسىز بولسا، اقىلدى قوسشىسىنىڭ ارتىعىن بىلمەستىگى دەپ ءبىلىپ، ونى قوزعايدى.
باسشىنىڭ ناداندىعى ونىڭ ۋادەسىزدىگىنەن مەندەلەدى.
نادان سىرتىڭا، ادام ىرقىڭا قارايدى.
جالقاۋدىڭ ءۇش مىنەزى بولادى. نەمەسە جالقاۋ - جالقاۋ، جاۋاپكەرسىز، وتىرىكشى بولادى.
تۋىسقان حالىقتاردى بىرىكتىرەتىن دانەكەر - ءدىن.
استام ءسوز استام كوڭىلدەن شىعادى. استام ءسوزدىڭ ايتۋشىعا دا، حالقىنا دا اكەلەتىنى تەك جاماندىق.
پەندەلەردىڭ كوبى اللاھ تاعالانىڭ جاراتقان تابيعاتىن كورىپ ەسى اۋىسۋلى. ال، ونىڭ ءوز نۇرلى جامالىن كورۋگە يلاھي ۋادە بار. وكىنىشتىسى، سونى كورەتىن جەرگە ءبىر قادام باسپايدى.
جۇماقتىڭ ەسىگى بۇ دۇنيەدە اشىق تۇر. ول - يسلام. ادامداردىڭ كوبى ول ەسىكتى قاقپاۋدا. وكىنىشتىسى، ول ەسىك اركىمنىڭ ولىمىمەن جابىلماق.
ادام بولۋدىڭ العى شارتى - يماندى بولۋ.
اركىم ءوز تانىمداس ادامدارمەن دوستاسادى. بيىك پەن الاسا دوس بولمايدى. ادامنىڭ بيىگى نەمەن ولشەنەتىنىنە كەلسەك، ول ءسوزسىز حاق تاعالاسىنا قۇلدىقپەن ولشەنبەك. ال ول جەردەن دوس تابا الماساڭ وكىنبە.
ادام شىنايى ادامدىق دەڭگەيىن تەك يماندى بولۋمەن عانا ساقتاماق.
حاق دىنىمەن ورانىپ ولگەننىڭ ەكى الەمدە ارمانى بولمايدى.
زىكىر قۇلدى ءناپسى كىرى باسىپ العان سانا قاراڭعىلىعىن تەسىپ ءوتىپ حاق تاعالاعا جالعايدى.
شىن ادەبيەت ءدىندى ادەبيەت. ءدىندى كەرەك ەتپەگەندى شىن ادەبيەت تە كەرەك ەتپەيدى. مىنە سوندىقتان اباي ادەبيەتى شىن مانىندە تۇتىنۋدا جوق.
ادامدارمەن ارالاستا ءبىر توپ ءبىرىنشى بولىپ وزىنە تارتسا، ەكىنشىسىنە ءوزىڭ بار. ويتپەسەڭ ول توپتى وزىڭە قارسى كۇيىندە تاباسىڭ.
دانالىق حاقسىزداردىڭ ساناسىنىڭ سىرتىندا تۇر. نەمەسە حاقسىزداردىڭ ساناسىنىڭ سىرتى جاپ- جارىق. ال حاقشىلدار سول جارىقتىڭ ىشىندە.
جازۋشى قولىمەن كەيىپكەر جاساۋ - ادەبيەتتىڭ ءولىمى. جازۋشى بۇل جالعاننان قۇتىلماي شىن ادەبيەت جازىلمايدى. نەمەسە (كىشىرەيتىپ الساق) جازۋشى قولىمەن كەيىپكەر جاساۋ - پروزانىڭ ءولىمى. جازۋشى بۇل جالعاننان قۇتىلماي شىن پروزا جازىلمايدى. جالعاننىڭ كوركەمى دە جالعان. ال، تاعى سان جىل بۇرىن ومىردەن وتكەن راس كەيىپكەردى «بىلاي ءومىر سۇرگەن» دەپ، ونىڭ عۇمىرى ءجايلى قيسىنمەن تۇلعا سومداۋ دا ادەبيەتتەگى (پروزاداعى) بايانسىزدىق. انىعىندا شىندى اينا- قاتەسىز ءدال جازۋ قيىن. ءبىراق، ولسىز راس ادەبيەت بولماق ەمەس.
تەك قارىننىڭ توقتىعىن ويلاۋ نامىستىڭ جوقتىعىن بىلدىرەدى.
جۇرەكتە ءدىن جوقتىق ادامدىقتا دىم جوقتىق.
ءبىزدىڭ ساياساتىمىز ونى تانۋشىلداردان بيىك. كەيلەردىڭ وزدەرىن «ساياسات تانۋشىمىز» دەيتىنى سودان.
بىلىمدىگە قاتەسىن كورسەتسەڭ ريزا بولادى. ال بىلىمسىزگە قاتەسىن كورسەتسەڭ قاسىڭا اينالادى.
حاقيقاتى كەم پەندە قانسىراپ جۇرەدى. جۇرتتى جاعىنا تارتا الماي سانسىراپ جۇرەدى. ماقساتى - جۇرتتىڭ تەڭدىگى ەمەس، ءوزىنىڭ كوسەمدىگى.
جاقسى نارسەنى تالداماسا، جامان نارسەنى تالعاماسا ول سول ورتانىڭ بىلىكسىزدىگىنىڭ كورىنىسى.
«كىم اللاھقا قارسى كەلسە، كۇمانسىز، اللاھتىڭ جازاسى قاتتى» («حاشر» سۇرەسى، 4-ايات) . دەمەك، كىم ونى تانىماسا وعان ءوزىنىڭ قارسى ەكەنىن ءبىلسىن!
قىز بالانىڭ ارى تازا ساقتالۋىمەن ەل رۋحانياتى نۇرلى، تەگى تازا، جىگەرى كۇشتى، نامىسى بيىك، ار- ۇجدانى اسقاق بولماق!
ۇرپاق تازالىعى - ەل، تەك تازالىعىنىڭ كەپىلى. ال ول تازالىق جاراتقان يەگە كامىل يمانسىز كەلمەيدى!
ءبىز بالانى قالاي تاربيەلەۋدىڭ جولىن بىلمەيمىز. ال، بىلگەنىمىزدىڭ ءتىلىن المايمىز.
ءبىز حاق دىنىمىزگە جاقىنداپ، ونى ءومىرىمىزدىڭ وزەگىنە اينالدىرار بولساق ار مەن ۇياتقا دا، ۇلتتىق بولمىسىمىزعا دا قول جەتكىزەمىز.
ادامنىڭ ءبىرىنشى دۇشپانى ءوزى.
«نامىس»