نايب ءمۇفتي قازاقستان ازاماتتارىن قاجىلىققا حالىقارالىق FlayNas اۋەكومپانياسى تاسىمالدايتىنىن تىلگە تيەك ەتىپ، ساۋد ارابيا كورولدىگى مەن قازاقستان مۇسىلماندارى ءدىني باسقارماسى وسىنداي ورتاق مامىلەگە كەلگەنىن جەتكىزدى.
«ەندى قازاقستان ازاماتتارى تىكەلەي مەككە ماڭىنداعى جيددا قالاسىنا ۇشاتىن بولادى. بۇل ورتاق كەلىسىم ناتيجەسىندە قاجىلارعا ۇلكەن جەڭىلدىكتەر جاسالىپ وتىر»، - دەدى نايب ءمۇفتي.
مۇسىلماندىقتىڭ بەس پارىزىنىڭ ءبىرى - مەككەگە قاجىلىققا بارۋ ساپارى بيىل 11-قىركۇيەكتە باستالادى. بۇرىن جەرلەستەرىمىز مەككە ماڭىنداعى جيددا قالاسىنا جەتۋ ءۇشىن 16 ساعاتىن شىعىندايتىن. ەندى ەكىجاقتى كەلىسىمنىڭ ناتيجەسىندە ساپار 6 ساعاتقا قىسقارماق.
«بيىل قازاقستان قاجىلارى قىركۇيەك ايىنىڭ 11 ىنەن باستاپ، 17 ىنە دەيىن جيددا مەن ءمادينا قالالارىنا جەتكىزىلەدى. ال قىركۇيەك ايىنىڭ 27 ىنەن باستاپ، قازان ايىنىڭ 7 ىنە دەيىن قاجىلىق راسىمدەرىن اياقتاپ، الماتى قالاسىنا ورالاتىن بولادى. قازاقستان ازاماتتارى ءوز تاڭداۋلارى بويىنشا 17 نەمەسە 21 كۇن ىشىندە قاجىلىق پارىزىن وتەيدى»، - دەيدى قازاقستان مۇسىلماندارى ءدىني باسقارماسىنىڭ ءتوراعا ورىنباسارى، «ازىرەت سۇلتان» مەشىتىنىڭ باس يمامى سەرىكباي قاجى وراز.