ماسكەۋدە ەۋروپاداعى ەڭ ۇلكەن مەشىت اشىلادى

استانا. قازاقپارات - ماسكەۋدە قۇربان ايت قارساڭىندا ەۋروپاداعى ەڭ ۇلكەن مەشىت اشىلادى، - دەپ حابارلايدى Рravda.ru.

پورتالدىڭ مالىمەتىنشە، مەشىت 23- قىركۇيەكتە اشىلادى. سالتاناتتى شاراعا رەسەي پرەزيدەنتى ۆلاديمير پۋتين مەن حالىقارالىق دارەجەدەگى يسلام ءدىني كوشباسشىلارى قاتىسادى.

«مەشىتتىڭ اشىلۋىنا يسلام نەگىزگى جانە باسىم ءدىن بولىپ تابىلاتىن ەلدەردىڭ ساياسي جەتەكشىلەرى قاتىسۋى مۇمكىن. رەسەيگە ساۋد ارابياسىنىڭ كورولى، كاتاردىڭ، كۋۆەيتتىڭ، تۇركيانىڭ، پالەستينانىڭ، يوردانيانىڭ باسشىلارى مەن قازاقستان، قىرعىزستان، تۇركمەنستان، تاجىكستان، يران جانە وزگە دە ەلدەردىڭ پرەزيدەنتتەرى شاقىرتىلدى»، - دەلىنگەن جاريالانىمدا.

ايتا كەتەيىك، سوبور مەشىتىنىڭ اشىلۋى رەسەيدەگى مۇسىلماندار ءۇشىن عانا ەمەس، بۇكىل الەمدەگى يسلام ءدىنىن ۇستانۋشىلار ءۇشىن اتاۋلى شارا بولماق.