بۇل تۋرالى بۇگىن «استانا LRT» ج ش س- ءنىڭ باسپا ءسوز حاتشىسى ايگۇل جامالوۆا ءمالىم ەتتى.
«بۇگىننەن باستاپ ب. مومىش ۇلى داڭعىلى مەن بوگەنباي باتىر كوشەسى بويىنداعى ارنايى بولىنگەن جولاقتار تولىققاندى جۇمىس ىستەي باستايدى. العاشقى ەرەجە بۇزعانى ءۇشىن ايىپپۇل 5 ا ە ك- ءتى نەمەسە 9910 تەڭگەنى قۇرايدى. جىل سوڭىنا دەيىن قالا كوشەلەرىندە قوسىمشا ارنايى جولاقتار ەنگىزۋ جوسپارلانۋدا. ءبىراق ولاردىڭ سانى مەن ورنالاساتىن جەرى قازىرگى ۋاقىتتا ناقتىلانۋ ۇستىندە»، - دەدى ول.
ەستەرىڭىزگە سالا كەتەيىك، 26- شىلدە كۇنى استانادا «Bus Lane» قوعامدىق كولىكتەر قوزعالىسىنا ارنالعان ارنايى جولاقتاردى ىسكە قوسۋ جوباسى ىلكى رەجىمدە جۇمىس ىستەي باستاعان بولاتىن. ول باۋىرجان مومىش ۇلى داڭعىلىنىڭ ابىلايحان داڭعىلىنان سارايشىق كوشەسىنە دەيىنگى ارالىعىن جانە بوگەنباي باتىر داڭعىلىنىڭ ءۋاليحانوۆ كوشەسىنەن سارى ارقا كوشەسىنە دەيىنگى ارالىعىن قامتيدى. 2,84 شاقىرىمدىق ب. مومىش ۇلى داڭعىلى بويىنداعى ارنايى جولاقپەن 2, 4, 14, 19, 33, 35, 41, 44, 51, 52 (ەكسپرەسس) جانە 56- ءنومىرلى اۆتوبۋستار قاتىنايدى. ال ۇزاقتىعى 2,15 شاقىرىمدىق بوگەنباي باتىر كوشەسىندەگى جولاقپەن 2, 4, 6, 7, 8, 12, 16, 17, 22, 36, 45, 46, 80, 81, 106, 109 120- اۆتوبۋستار جۇرەدى.
«Bus Lane» جوباسى اۆتوبۋستار قوزعالىسى كەستەسىن رەتكە كەلتىرىپ، جۇرگىزۋشىلەردىڭ ءتارتىبىن جاقسارتادى، اۆتوبۋستاردىڭ قوزعالىس جىلدامدىعىن 20 پايىزعا كوتەرەدى دەپ كۇتىلۋدە.
اۆتور: مارلان جيەمباي