بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ەۋرازيالىق ينتەگراتسيا ينستيتۋتىنىڭ ديرەكتورى جانارگۇل قۇسمانعاليەۆا ايتتى.
«بۇل پورتالدا 3D نۇسقاداعى ساپارلاردى تاماشالاۋعا بولادى، ياعني ولار - قازاقستان بويىنشا ۆيرتۋالدى تۋرلار. سونىمەن قاتار، وندا قازاقستان تاريحى مەن مادەنيەتى جونىندە اقپارات، قىزىقتى فاكتىلەر، انىقتامالىق گەوگرافيالىق دەرەكتەر قامتىلادى»، - دەدى ينستيتۋت ديرەكتورى.
ونىڭ پايىمىنشا، اتالعان پورتال ادامدار تاراپىنان زور قىزىعۋشىلىققا يە بولادى. وندا قازاقستاندىقتار مەن تۋريستەر سايتقا كىرىپ، ەلىمىز تۋرالى قىزىقتى اقپاراتتارمەن تانىسۋعا مۇمكىندىك الادى.
«ءبىز اتالعان جوبا جىلدىڭ سوڭىنا دەيىن ىسكە قوسىلادى دەپ جوسپارلاپ وتىرمىز. ارينە، جەلىدە وسىنداي كوپتەگەن ءتۇرلى جوبالار بار، ءبىراق ولارداعى 3D ساپارلار تولىق قامتىلماعان. بۇل سايتتا قازاقستان تۋرالى بارشا اقپارات جيناقتالادى جانە وسىندا سوڭعى بۋىندى تەحنولوگيالاردى ەسكەرە وتىرىپ، يننوۆاتسيالىق قادامدار پايدالانىلادى»، - دەدى جانارگۇل قۇسمانعاليەۆا.
اۆتور: رۋسلان عابباسوۆ