اتاپ ايتقاندا، س. احمەتوۆتىڭ ادۆوكاتى نيكولاي لەسنيك mail.ru جانە gmail.com اكىمشىلەرى ارقىلى «مەتاللۋرگيا- مەتالل وڭدەۋ» يندۋستريالدىق پارك ينفراقۇرىلىمى ءۇشىن چەحيالىق جابدىقتاردى جەتكىزۋگە قاتىستى تاپسىرىس بەرۋشىلەر، قوسالقى مەردىگەرلەر، باسقا دا تۇلعالار اراسىنداعى ەلەكتروندىق حات الماسۋلاردى تالاپ ەتىپ، قىلمىستىق ءىس ماتەريالدارىنا قوسۋ تۋرالى قولداۋحات مالىمدەدى.
«حات الماسۋدا اۋىستىرۋعا جاتاتىن جابدىقتىڭ قۇنىن كەلىسۋ، شارت مازمۇنىن كەلىسۋ، اقشا ءبولۋدى كەلىسۋ جايىندا ايتىلادى. بۇل رەتتە بۇل حات الماسۋدىڭ نەگىزگى بولىگى جاسىرىلعان نەمەسە جويىلعان. سوندىقتان بۇل دالەلدەرگە باعا بەرۋدەن شەكتەلىپ وتىرمىز»، - دەدى ول.
قورعاۋشى، سونداي-اق، شەتەل بانكتەرىنەن كوشىرمە تالاپ ەتۋ قاجەت دەيدى. ادۆوكات بۇل س. احمەتوۆتىڭ ۇلىنىڭ ەسەبىنە اۋدارىلعان اقشانىڭ ءمان-جايىن اشۋعا جاردەمدەسەدى دەپ سانايدى.
«مەنىڭ قورعالۋشىمدى 2011 -جىلعى مامىردا جاسالعان قوسالقى مەردىگەر شارتىن جاساسۋعا جاردەمدەسكەنى ءۇشىن پارا الدى دەپ ايىپتاۋدا. ءبىز شارتتىق قاتىناستاردى راستايتىن قۇجاتتاردى تالاپ ەتەتىنىمىزدى مالىمدەدىك. قوسالقى مەردىگەر شارتىن جاساسقان بۇل فيرمالاردا بۇرىن دا شارتتىق قاتىناستار بولعان. ياعني، قورعالۋشىما پارا بەرۋگە ەش نەگىز جوق ەكەنىن ايتقىم كەلەدى»، - دەپ ءتۇسىندىردى جۋرناليستەرگە ن. لەنسنيك.